Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главас русским текстом

JIÄVINDÜ IIVANALE

Глава 22

1Anheli ozutti minule elaijanvien joven, kudai matkuau Jumalan da Vuonan prestolaspäi puhtahannu gu hrustali.2Linnan pihan keskel, joven ühtel dai toizel puolel kazvau elaijanpuu. Tämä puu andau sualehen kaksitostu kerdua vuvves, kerran kuus, i sen lehtis muailman rahvahat suajah tervehüttü.3Nimidä kirottuu enämbiä ei rodei. Linnas on Jumalan da Vuonan prestol, i kaikin palvotah Jumalua.4Hüö nähtäh Hänen rožat, i Hänen nimi on heil očas.5Üödü sie enämbiä ei rodei, i heile ei pie ni lampan, ni päiväzen valgiedu, valgien heile andau Ižändü Jumal. I hüö ruvetah pidämäh suarinvaldua ainos dai ilmazen ijän.

Ižändü Iisus Hristos tulou terväh

6Anheli sanoi minule: «Nämä sanat ollah uskottavat da tovet. Ižändü Jumal, kudai andau oman Hengen Hänen iänenkandajile, tüöndi oman anhelin ozuttamah omile käsküläzile, midä pidäü terväh roijakseh.»

7- Minä tulen terväh! Ozakas on se, kudai ottau vardeh tämän kniigan ennustussanat.

8Minä, Iivan, kuulin da näin tämän kaiken. Sen kuultuu da nähtüü minä painuin muah, gu kumarduakseh jalgah sille anhelile, kudai ozutti sen minule.9No anheli sanoi minule: «Älä, kačo, rua sidä! Minä olen Jumalan käsküläine, juuri moine kui sinä dai sinun vellet, Jumalan iänenkandajat, i kaikin net, kudamat otetah vardeh tämän kniigan sanat. Kumardai Jumalale!»

10Sit häi sanoi minule: «Älä salbua pečatil tämän kniigan sanoi; aigu on lähäl.»11Viärü anna iellehgi luadiu viärüttü, pagan luajikkah ielleh paganua, oigei iellehgi luajikkah oigiedu, a pühä olgah ielleh pühännü.

12«Minä tulen terväh! Minä tuon tulles palkan jogahizele, maksan kaikile heijän ruadoloi müö.13Minä olen Al'fa da Omega, enzimäine da jälgimäine, algu dai loppu.»

14Ozakkahat ollah net, kudamat pestäh omat sovat: heil on valdu süvvä elaijanpuus da mennä veriälöin kauti linnah.15Linnan ulgopuolele jiäjäh koirat da tiedovoiččijat, karguajat, tappajat, valehjumalile kumardelijat da kaikin, ket suvaijah kielastustu da kielastellah.

16«Minä, Iisus, tüönnin oman anhelin sanelemah teile kaikes täs uskojien kanzukunnis. Minä olen Davidan juuri dai veza, minä olen valgei huondestiähti.»

17Hengi da andilas sanotah: «Tule!» I ken kuullou tämän, sanokkah: «Tule!» Anna tulou se, kedä juotattau! Ken tahtonou, se otakkah ilmai elaijanvettü.18Jogahizele, ken kuulou tämän kniigan ennustussanat, minä lujah sanon: Gu ken ližännöü niilöih midätahto, sille Jumal ližiäü net pahuot, kudamih niškoi on kirjutettu täs kniigas.19A gu ken ottanou midä iäre tämän ennustuskniigan sanois, sil Jumal ottau hänen vuitin elaijanpuuh da pühäh linnah, kudamih niškoi täs kniigas on kirjutettu.

20Häi, tämän tovestai, sanou: «Tozi on, minä tulen terväh!» Amin', tule, Ižändü Iisus!

21Ižändän Iisusan armo olgah kaikkienke!


предыдущая глава Глава 22