Выбрать язык
Книги Ветхого Завета
Книги Нового Завета
без русского текстаПСАЛТЫР | ПСАЛТИРЬ |
117 Псалом | Глава 117 |
| [Аллилуйя!] | |
| 1 Ошкӧй Господьӧс, ӧд Сійӧ бур, Сылӧн буралӧмыс оз помасьлы. | 1Славьте Господа, ибо Он благ, ибо вовек милость Его. |
| 2 Израиль войтыр мед шуас: «[Сійӧ бур,] Сылӧн буралӧмыс оз помасьлы». | 2Да скажет ныне дом Израилев: ибо вовек милость Его. |
| 3 Ааронлӧн котыр мед шуас: «[Сійӧ бур,] Сылӧн буралӧмыс оз помасьлы». | 3Да скажет ныне дом Ааронов: ибо вовек милость Его. |
| 4 Господьысь полысьяс мед шуасны: «[Сійӧ бур,] Сылӧн буралӧмыс оз помасьлы». | 4Да скажут ныне боящиеся Господа: ибо вовек милость Его. |
| 5 Ёна сьӧкыдалігӧн ме шыаси Господь дінӧ. Сійӧ кыліс менӧ да петкӧдіс паськыдінӧ. | 5Из тесноты воззвал я к Господу, –и услышал меня, и на пространное место вывел меня Господь. |
| 6 Господь ме дор, меным нинӧмысь повнысӧ. Мый вӧчас меным морт? | 6Господь за меня–не устрашусь: что сделает мне человек? |
| 7 Господь – меным отсӧг сетысьыс, кута повтӧг видзӧдны менӧ мустӧмтысьяс вылӧ. | 7Господь мне помощник: буду смотреть на врагов моих. |
| 8 Бурджык Господь вылӧ лача кутны морт вылӧ лача кутӧм дорысь. | 8Лучше уповать на Господа, нежели надеяться на человека. |
| 9 Бурджык Господь вылӧ лача кутны ӧксыяс вылӧ лача кутӧм дорысь. | 9Лучше уповать на Господа, нежели надеяться на князей. |
| 10 Менӧ кытшалісны войтыръяс, но Господь нимӧн ме пасьварті найӧс. | 10Все народы окружили меня, но именем Господним я низложил их; |
| 11 Найӧ быд боксянь кытшалісны менӧ, но Господь нимӧн ме пасьварті найӧс. | 11обступили меня, окружили меня, но именем Господним я низложил их; |
| 12 Кытшалісны менӧ зі чукӧр моз, но биын сотӧм лежнӧг моз бырисны. Господь нимӧн ме пасьварті найӧс. | 12окружили меня, как пчелы, и угасли, как огонь в терне: именем Господним я низложил их. |
| 13 Найӧ ёна тойыштісны менӧ, медым ме уси, но Господь кутыштіс менӧ. | 13Сильно толкнули меня, чтобы я упал, но Господь поддержал меня. |
| 14 Господь – менам вынӧй да сьыланкывйӧй, Сійӧ мездіс менӧ. | 14Господь–сила моя и песнь; Он соделался моим спасением. |
| 15 Веськыда олысьяслӧн керкаясын кылӧ мездмӧм йылысь нимкодясян шы: «Господьлӧн веськыд киыс вӧчӧ ыджыд уджъяс! | 15Глас радости и спасения в жилищах праведников: десница Господня творит силу! |
| 16 Господь веськыд кисӧ вылӧ кыпӧдӧма, Господьлӧн веськыд киыс вӧчӧ ыджыд уджъяс!» | 16Десница Господня высока, десница Господня творит силу! |
| 17 Ме ог кув, но кута овны да висьтавлыны Господьлӧн уджъяс йылысь. | 17Не умру, но буду жить и возвещать дела Господни. |
| 18 Господь чорыда мыждіс менӧ, но эз лэдз меным кувны. | 18Строго наказал меня Господь, но смерти не предал меня. |
| 19 Восьтӧй меным веськыдлуныслысь дзиръясӧ! Ме пыра сэті да понда ошкыны Господьӧс. | 19Отворите мне врата правды; войду в них, прославлю Господа. |
| 20 Со, Господьлӧн дзиръяыс, веськыда олысьяс пырасны сэті. | 20Вот врата Господа; праведные войдут в них. |
| 21 Господьӧй, ме ошка Тэнӧ! Тэ кылін менӧ да мездін менӧ. | 21Славлю Тебя, что Ты услышал меня и соделался моим спасением. |
| 22 Изйыс, кодӧс ӧтдортісны керка лэптысьяс, лоис пельӧс изйӧн. | 22Камень, который отвергли строители, соделался главою угла: |
| 23 Тайӧ Господьсянь да шензьӧдӧ миянӧс. | 23это–от Господа, и есть дивно в очах наших. |
| 24 Тайӧ лунсӧ вӧчис Господь, кутам нимкодясьны да гажӧдчыны! | 24Сей день сотворил Господь: возрадуемся и возвеселимся в оный! |
| 25 Господьӧй, мезды миянӧс! Господьӧй, отсав миянлы! | 25О, Господи, спаси же! О, Господи, споспешествуй же! |
| 26 Бурсиӧма Господь нимӧн локтысьӧс! Господьлӧн керкасянь ми бурсиам тіянӧс. | 26Благословен грядущий во имя Господне! Благословляем вас из дома Господня. |
| 27 Господь эм Ен, Сійӧ югдӧдіс миянӧс. Гажӧдчан лунӧ вайӧдӧй ыж-мӧснытӧ, висьпуктанінлӧн сюръясӧ кӧрталӧй висьнытӧ. | 27Бог–Господь, и осиял нас; вяжите вервями жертву, ведите к рогам жертвенника. |
| 28 Тэ – менам Ен, ме ошка Тэнӧ, Енмӧй, ме ыдждӧдла Тэнӧ! [Кута ошкыны Тэнӧ, ӧд Тэ кылін да мездін менӧ.] | 28Ты Бог мой: буду славить Тебя; Ты Бог мой: буду превозносить Тебя. |
| 29 Ошкӧй Господьӧс, ӧд Сійӧ бур, Сылӧн буралӧмыс оз помасьлы! Ошкӧм. | 29Славьте Господа, ибо Он благ, ибо вовек милость Его. |
Глава 117