Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ОԒӘӇ ЭԒТЫ НЭПЕК

Глава 50

1Иосиф ащеԓ эԓты рӑкнәс пӑ хоԓԓәс, пӑ ԓўвеԓ мосәԓтәсԓы.

2Щӑԓта Иосиф ԉэккар митйохԓаԓа ащеԓ бальзамән ԋŏсәтты партсәԓы; ԉэккарәт Израиль бальзамән ԋŏсәтсэԓ.

3Ԋӑԓйаӈ хӑтәԓ хӑщәс, щи арат хӑтәԓ бальзамән пŏшәԓтәԓа, пӑ ԓапәтйаӈ хӑтәԓ Египет хŏйатәт ԓўв эԓтэԓ хоԓԓәсәт.

4Хоԓԓәп хӑтԓәт хӑщәмән, фараон ԓӑӈкәр хŏйатәт пеԓа Иосиф йастәс: «Йӑм сэмән ма пеԓайэм ватԓәты ки, тӑмиты фараона йастаты:

5ащем ма эԓтэм йасәӈ ўс, щиты пŏтәртәс: ‘Ма пӑрты хӑтԓэм ванамәс; Ханаан мўвән ма ԓэщатәм хŏшапәӈ кевемән мӑнэм шавийи’. Ин пӑ мӑнэм эсԓы йӑхты пӑ ащем лоттәты, пӑ щӑԓта йŏхԓы йŏхәтты».

6Фараон йастәс: «Йӑӈха пӑ ащен лотты, хŏты ԓўв нӑӈена партәс».

7Иосиф ащеԓ лоттәты мӑнәс. Ԓўв пиԓәԓән фараон хŏԓ ԓӑӈкәр йохԓаԓ мӑтсәт, ԓўв хотәԓ ун икет пӑ Египет мўв хŏԓ ун икет,

8пӑ Иосиф хот тэԓ, пӑ йайԓаԓ, пӑ ащеԓ хот тэԓ. Туп ԋаврэмԓаԓ пӑ ай пӑ ун вой тащԓаԓ Гесем мўвән хӑйсыԓаԓ.

9Ԓыв пиԓԓаԓән ԓовәӈ ухԓәт пӑ ԓов шӑнша ԓэԓәм хŏйатәт па мӑтсәт, щишән, мӑнәм ŏтэԓ ар ус.

10Щиты ԓыв Горен-гаатад унты Иордан йŏхан па пелка йŏхәтсәт пӑ щита шек так хоԓԓәп версәт; ԓапәт хӑтәԓ щита ащеԓ урәӈән Иосиф хоԓԓәс.

11Ханаан мўвән уԓты хŏйатәт щи хоԓԓәп Горен-гаатад хŏща ватсәт пӑ йастәсәт: «Египет мўв хŏйатәт хŏща ун шук пӑ хоԓԓәп!» Щишән, щи тӑха щиты нэмәтса: ‘Египет мўв хŏйатәт хоԓԓәп’, щит Иордан йŏхан па пеләкән уԓ.

12Щиты Иаков пŏхәт ԓўв партәм верәԓ версэԓ:

13Ханаан мўва пŏхԓаԓән ԓўв туса пӑ Мамре шŏма Махпела мўв хӑр хŏща уԓты хŏшапәӈ кев ԓыпийән шависа. Щи хŏшапәӈ кев мўв хӑр пиԓән Авраам Ефрон хет ики эԓты лоттәты урәӈән ԓутәс.

14Щӑԓта ащеԓ лоттәмеԓ йўпийән Иосиф пӑ йайԓаԓ пӑ хŏԓ ԓўв пиԓәԓән ащеԓ лоттәты йӑӈхәм хŏйатәт Египта йŏхԓы йŏхәтсәт.

15Ащеԓ пӑрәм йўпийән Иосиф йайԓаԓ йастәсәт: «Мосәӈ, Иосиф мўӈев ԉикән этԓәԓы пӑ ԓўвеԓ атәм вермев нўр йŏхԓы катәԓԓәԓы?»

16Пӑ ԓыв Иосифа айкеԓ китсәт: «Ащен пӑртаԓ йэԓпийән щиты йастәс:

17‘Иосифа тӑмиты йастаты: йайԓан нўрәт пӑ кӑрэкәт йŏрэмаԓән нӑӈена атәм вермеԓ урәӈән’. Пӑ ин ащен Турәм митйохԓаԓ нўрԓаԓ эсԓаԓән». Щит ԓўвеԓа пŏтәртәмән, Иосиф хоԓԓәс.

18Щӑԓта йайԓаԓ ищи йŏхәтсәт, пӑ ԓўв йэԓпеԓән мўв унты, ŏх пŏнман, иԓ ԋўрсәт, пӑ йастәсәт: «Мўӈ нӑӈена рупитты йохԓан».

19Иосиф йастәс: «Аԓ пӑԓаты, ма мўй Турәм хун?

20Йӑна щи, нын ма пеԓайэм атәм версәты; туп Турәм щит йӑма керәтсәԓы, ин тыйәԓтәм верәԓ урәӈән: ар хŏйат ԓыԓ шавиты урәӈән;

21щишән, аԓ пӑԓаты: ма нынан, имиԓән пӑ нын ԋаврэмԓән ԓапәтԓыԓам». Пӑ ԓывиԓаԓ роммәԓтсәԓы, пӑ сӑмԓаԓ рӑхты щирән ԓыв пиԓԓаԓән пŏтәртәс.

22Щиты Иосиф Египет мўвән ус пӑ ащеԓ хот тэԓ ищи ус; Иосиф уԓәм нуптәԓ сот йаӈ тӑԓ ус.

23Ефрем хиԓэт ԋаврэмԓаԓ хŏԓна вантәс, Манассия Махир пŏхәԓ пŏхәт сэма питәмән Иосиф шанша ищиты пŏныԓысайәт.

24Щӑԓта Иосиф йайԓаԓа йастәс: «Ма пӑрты хӑтԓэм ванамәс, нын хŏщайән Турәм йŏхәтәԓ пӑ нынан тӑм мўв эԓты щи мўва туԓԓы, мўй эԓты ԓўв Авраама, Исаака пӑ Иакова йасәӈ мӑс».

25Щӑԓта Иосиф Израиль пŏхәт эԓты так йасәӈ ўс, щиты пŏтәртман: «Турәм нын хŏщайән йŏхәтәԓ, пӑ ԓŏв шўкԓам тӑԓта тўваԓән».

26Иосиф нуптәԓ сот йаӈ тӑԓ аратән пӑрәс. Египет мўвән бальзамән ԓўв ԋŏсәтса пӑ кев эԓты верәм хӑԓа йўха пŏтса.


*a 50:2 бальзам – щит ар сыр эпԓәӈ уӈхәӈ вŏй;


предыдущая глава Глава 50 следующая глава