Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛӸН ЕВРЕЙВЛӒЛӒН КОЛТЫМЫ СИРМӒШӸЖӸ

4 Глава

1 Йымын халыклан кӓнӹмӓш. 14 Иисус сек кого Архиерей.

1Тенгежӹ, Йымын кӓнӹмӹ вӓрӹшкӹжӹ пыраш сӧрӹмӓш эче улы гӹнь, тӓ логӹцдӓ иктӓт ӧрдӹжеш ӹнжӹ код манын, анжышашлык ылына.2Вет нӹнӹлӓн увертӓрӹмӹ семӹньок ти сӧрӹмӓш гишӓн мӓлӓннӓӓт увертӓрӹмӹ. Но колмы шамакышты ӹнянӹмӓш доно ушныде, седӹндон тӹдӹ нӹнӹлӓн пользым кандыде.3Йымын кӓнӹмӹ вӓрӹшкӹжӹ мӓ, ӹнянӓш тӹнгӓлшӹвлӓ, пыренӓ. Йымы келесен:
«Шӹдем доно цуратленӓм:
нӹнӹ Мӹньӹн кӓнӹмӹ вӓрӹшкем ак пыреп».

А Тӹдӹн пӓшӓжӹ сӓндӓлӹкӹм ӹштӹмӹжӹ гӹцок шоктымы ылын.4Вет Писаништӹ тагышты-ӓнят шӹмшӹ кечӹ гишӓн келесӹмӹ: «Шӹмшӹ кечӹн Йымы цилӓ ӹшке пӓшӓвлӓжӹ гӹц кӓнен».5А ти вӓрӹштӹ келесӹмӹ: «Мӹньӹн кӓнӹмӹ вӓрӹшкем ак пыреп».6Тенге, южшым тӹшкӹ пырымаш выча, а кӱлӓн сусу уверӹм перви увертӓрӹмӹ, нӹнӹ тӹшкӹ шамак колыштдымышты гишӓн пырыделыт.7Седӹндон Йымы угӹц «тагачшы кечӹ» манмы кечӹм пӓлдӹртен. Перви келесӹмӹ шамакым Тӹдӹ, техень кужы жеп эртӹмӹкӹ, Давид гач келесен:
«Тагачшы кечӹн Тӹдӹн юкшым колыда гӹнь, шӱмдӓм идӓ пингӹдемдӹ».

8Вет Иисус Навин нӹнӹм кӓнӹм вӓрӹш канда ылгецӹ, Йымы тилец вара вес кечӹ гишӓн ак попы ыльы.9Тенгежӹ, Йымын халыкшым кукшыгечӹ кӓнӹмӓш эче выча.10Кыце Йымы ӹшке пӓшӓвлӓжӹ гӹц кӓнен, тенгеок Йымын кӓнӹмӹ вӓрӹшкӹжӹ пырышат ӹшке пӓшӓвлӓжӹ гӹц кӓнӓ.11Тенгежӹ, нӹнӹ семӹнь шамак колыштдымы лин, иктӓт ӹнжӹ кенвац манын, ти кӓнӹмӹ вӓрӹш пыраш цацышашлык ылына.

12Вет Йымын шамакшы ӹлӹшӹ дӓ силан, тӹдӹ кок тӹрӓн керек-махань меч гӹцӓт пӹсӹ. Шӱлӹш дӓ йӓнг, ежӹнгвлӓ дон вимвлӓ шелмешкӹ керӹлт пыра, шӱмӹн шанымыжым дӓ кымылжым ланзыла.13Сӓндӓлӹкӹштӹ Йымы гӹц шӹлтӹмӹ нимат уке, Тӹдӹн сӹнзӓ анзылныжы цилӓ цӓрӓ дӓ кайшы; Тӹдӹлӓн мӓ цилӓ ынгылдарышашлык ылына.

14Тенгежӹ, пӹлгом вашт эртӹшӹ кого Архиерейнӓ, Йымын Эргӹжӹ Иисусна, улы гӹнь, ӓлдӓ лыктын келесӹмӹ ӹнянӹмӓшнӓм пингӹдӹн кыченӓ.15Вет Архиерейнӓ слабка ылмына гишӓн мӓмнӓм жӓлӓен керддӹмӹ агыл, мӓ семӹньнӓок Тӹдӹм цилӓ шотыштат тергӹмӹ, но сулыкдымы ылеш.16Тенгежӹ, жӓлӓйӹмӓшӹм нӓлӓш дӓ Йымын благодатьшым керӓл жепӹштӹ палшыкеш моаш манын, ӓлдӓ благодатьын престолжы докы лӱдде миэнӓ.


*а 4:3 Пс 94:11.

*б 4:4 Быт 2:2.

*в 4:5 Пс 94:11.

*г 4:7 Пс 94:7-8.


предыдущая глава Глава 4 следующая глава