Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛӸН РИМЛЯНВЛӒЛӒН КОЛТЫМЫ СИРМӒШӸЖӸ

16 Глава

Римӹн христианвлӓжӹлӓн шӓлӓм келесӹмӓш.

1Мӓмнӓн Фива ӓкӓнӓ доно тӓмдӓм пӓлӹмӹм ӹштӹнем, тӹдӹ Кенхрейӹштӹшӹ церкӹштӹ пӓшӓм ӹштӓ.2Святойвлӓлӓн кыце олмыдеш, Господь лӹм доно тӹдӹм вӓшлидӓ. Махань палшык тӹдӹлӓн келеш, техеньӹм пуда. Тӹдӹ ӹшкежӓт шукылан палшен, мӹлӓнемӓт палшен.

3Мӹнь донем иквӓреш Христос Иисуслан пӓшӓм ӹштӹшӹ Прискилла дон Акилалан шӓлӓм келесӹдӓ.4Нӹнӹ мӹнь верцем вуйыштым пиштӓш йӓмдӹ ылыныт, нӹнӹлӓн мӹнь веле агыл таум ӹштем, а язычниквлӓ логӹц ӹнянӓш тӹнгӓлшӹвлӓн цилӓ церкӹштӹ таум келесӓ. Тенгеок нӹнӹн пӧртӹштӹштӹ погынышы церкӹлӓн шӓлӓм келесӹдӓ.5Ахаиштӹ сек анзыц Христослан ӹнянӓш тӹнгӓлшӹ яратымы Епенет тӓнгемлӓн шӓлӓм келесӹдӓ.6Мӓлӓннӓ пӓшӓм шукы ӹштӹшӹ Мариамлан шӓлӓм келесӹдӓ.7Мӹнь сагаэм питӹрӹмӓштӹ лишӹ, мӹньӹн йыхем гӹц ылшы Андроник дон Юниялан шӓлӓ. Нӹнӹ Апостолвлӓ лошты кымдан пӓлӹмӹ ылыт, мӹнь гӹцем анзыц Христослан ӹнянӓш тӹнгӓлӹнӹт.8Господь доно ушнен шалгымашты мӹньӹн яратымы Амплийлӓн шӓлӓм келесӹдӓ.9Христос доно ушнымашты мӓ донна иквӓреш пӓшӓм ӹштӹшӹ Урбанлан дӓ яратымы Стахий тӓнгемлӓн шӓлӓ.10Христос доно ушнымашты тергӹмӹ Апеллеслӓн шӓлӓм келесӹдӓ. Аристовулын тонышывлӓжӹлӓн шӓлӓ.11Мӹньӹн родем гӹц ылшы Иродионлан, Наркиссӹн тонышывлӓжӹ логӹц Господь доно ушнышывлӓлӓн шӓлӓм келесӹдӓ.12Господьлан когон пӓшӓм ӹштӹшӹ ӹдӹрӓмӓшвлӓ Трифена дон Трифосалан шӓлӓм келесӹдӓ. Господьлан шукы пӓшӓм ӹштӹшӹ яратымы Персидалан шӓлӓ.13Господь айырен нӓлмӹ Руфлан дӓ тӹдӹн ӓвӓжӹлӓн шӓлӓм келесӹдӓ, тӹдӹ мӹлӓмӓт ӓвӓм гань ылеш.14Асинкритлӓн, Флегонтлан, Ермлӓн, Патровлан, Ермийлӓн дӓ нӹнӹ доны ылшы вес шӱмбелвлӓлӓнӓт шӓлӓм келесӹдӓ.15Филологлан, Юлиялан, Нирейлӓн дӓ тӹдӹн ӓкӓжӹлӓн, Олимпанлан дӓ нӹнӹ доны ылшы цилӓ святойлан шӓлӓм келесӹдӓ.16Святой шыпшалмаш доно икӹжӓк-иктӹдӓм вӓшлидӓ. Христосын церкӹвлӓжӹ цилӓн тӓлӓндӓ шӓлӓм колтат.17Шӱмбелвлӓ, сарвалем: пайылалтмашым дӓ шӹртнялтмӓшӹм кандышы дӓ тӓлӓндӓ тымдымы ваштареш шагалшывлӓ гӹц перегӓлтдӓ. Техень эдемвлӓ дорц карангда.18Нӹнӹ мӓмнӓн Господьна Иисус Христослан агыл служат, а ӹшке мӹшкӹрӹштӹлӓн. Нӹнӹ ярал лиӓш цацымы шаяшты дӓ яклака йӹлмӹштӹ доно пышкыды кымылан эдемвлӓм алталат.19Тӓмдӓн шамакым колыштшы ылмыдам цилӓн пӓлен нӓлӹнӹт, седӹндон мӹнь тӓ верцдӓ сусу ылам дӓ пурылан ышан, худалан тыменьдӹмӹ лидӓ манын шанем.20Тырым пушы Йымы шукышты агыл ял лӹвӓлӓндӓ сатанам шин шӓлӓтӓ! Господьна Иисус Христосын благодатьшы тӓ доныда лижӹ. Аминь.

21Мӹнь донем иквӓреш пӓшӓм ӹштӹшӹ Тимофей, тенгеок мӹньӹн йыхем гӹц Луций, Иасон дон Сосипатр шӓлӓм колтат.22Мӹнят, ти сирмӓшӹм пумагашкы сирӹшӹ Тертий, Господь доно ушнен, тӓлӓндӓ шӓлӓм колтем.23Мӹньӹмӓт, улы церкӹмӓт ӹшке суртыштыжы хынала вӓшлишӹ Гаий тӓлӓндӓ шӓлӓм колта. Халаштышы казнам кычышы Ераст дӓ Кварт шӱмбел дорц тӓлӓндӓ шӓлӓ.24Мӓмнӓн Господьна Иисус Христосын благодатьшы цилӓ доныда лижӹ. Аминь.


*а 16:7,11,21 Йых, роды: тиштӹ тидӹм ик халыкынок ылыт манын ынгылымыла.


предыдущая глава Глава 16 следующая глава