Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

СВЯТОЙ АПОСТОЛ ИОАНН БОГОСЛОВЫН УЛЫ ЦЕРКӸЛӒН КОЛТЫМЫ КЫМШЫ СИРМӒШӸЖӸ

1 Глава

1 Вӓшлимӹ шамаквлӓ. 5 Гаийӹм хвальымаш. 9 Диотреф дон Димитрий. 13 Шӓлӓм келесӹмӓш.

1Старец – яратымы Гаийлӓн.

Тӹньӹм лачокшымат яратем.

2Яратымем, шулыкан ли дӓ, кыце йӓнгешет яжо, тенгеок тӹньӹн цилӓ шотыштат яжо лижӹ манын ыдылам.3Вет кынам шӱмбелвлӓ толыныт дӓ тӹньӹн лачоклан ӹнян ылмет, лачокын ядмыжы семӹнь ӹлӹмет гишӓн пӓлдӹртен попенӹт, мӹнь пиш сусу линӓм.4Тетявлӓэм лачокын ядмыжы семӹнь ӹлӓт манмым колам гӹнь, тишец кого сусу мӹлӓнем уке.5Яратымем, шӱмбелвлӓлӓн дӓ вес вӓрвлӓ гӹц толшывлӓлӓнӓт тӹнь мам ӹштет, цилӓ ӹнян эдем семӹнь ӹштет.

6Нӹнӹ яратымет гишӓн церкӹ погынымаш анзылны пӓлдӹртен попенӹт. Нӹнӹлӓн корныш йӓмдӹлӓлтӓш Йымылан яралын палшет гӹнь, тӹнь пуры пӓшӓм ӹштет.7Вет язычниквлӓ гӹц нимамат нӓлде, Йымын лӹмжӹ верц нӹнӹ корнышкы лӓктӹнӹт.8Ӹшкеӓт нӹнӹ доно иквӓреш лачок верц пӓшӓм ӹштӹшӹ лиӓш манын, мӓ техеньӹвлӓм ӹшке докына пыртышашлык ылына.

9Мӹнь церкӹлӓн сиренӓм, но тӹштӹ вуй лиӓш яратышы Диотреф мӓмнӓм ак колышт.10Седӹндон мӹнь, миэм гӹнь, махань пӓшӓм ӹштӹмӹжӹм ӓшӹндӓрӹктем. Тӹдӹ мӓ гишӓннӓ ӓляклен каштеш, дӓ ти эдемлӓн тидӓт ак ситӹ, ӹшкежӓт шӱмбелвлӓм пурын ак вӓшли, пурын вӓшлиӓш шанышывлӓмӓт цӓрӓ дӓ церкӹш каштшывлӓ логӹц поктылеш.

11Яратымем, худа семӹнь агыл, пуры семӹнь ӹштӹ. Кӱ пурым ӹштӓ, тӹдӹ Йымы гӹц ылеш, а кӱ худам ӹштӓ – Йымым ужде.12Димитрий гишӓн цилӓн, лачок ӹшкежӓт, пурым веле попат. Мӓӓт тенгеок пӓлдӹртен попенӓ, а мӓмнӓн пӓлдӹртен попымынан лачок ылмыжым тӓ пӓледӓ.

13Сирӹшӓшем шукы улы, но чернила дӓ амыж вургы доно тӹлӓт сирӹмем ак шо.14Тӹньӹм шукышты агыл ужам дӓ вӓшӓ-вӓшӓ хытырен кердӹнӓ манын ӹнянем.15Тӹлӓнет тыр лижӹ. Тӓнгвлӓ тӹлӓт шӓлӓм колтат. Тӓнгвлӓлӓн цилӓштӹлӓн пасна-пасна шӓлӓм келесӹ. Аминь.


предыдущая глава Глава 1 следующая глава