Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

СВЯТОЙ АПОСТОЛВЛӒН ПӒШӒШТӸ

28 Глава

1 Мальтышты. 11 Павел Римӹш толеш. 17 Павел Римӹштӹ Иисус гишӓн попа.

1Ытаралт кодмыкы, островын Мальта лӹмӓн ылмыжым мӓ, [Павел доно иквӓреш ылшывлӓ,] пӓлен нӓлнӓ.2Островышты ӹлӹшӹвлӓ мӓлӓннӓ кого пурым ӹштенӹт. Юр юрын дӓ ӱштӹ ылынат, нӹнӹ тылым олтенӹт дӓ мӓмнӓм тӹшкӹ ӱжӹнӹт.3Павел шукы сӓвӹм поген, тылыш пиштӹмӹжӹ годым, ядовитый кӹшкӹ, шокшым шижӹн, тӹшец лӓктӹн дӓ тӹдӹн кидешӹжӹ кечӓлтӹн.4Островышты ӹлӹшӹвлӓ, Павелӹн кидӹштӹжӹ кӹшкӹ кечӹмӹм ужмыкы, иктӹ-весӹштӹлӓн попенӹт: «Ти эдем эдемӹм пуштшы ылеш, векӓт. Тангыж гӹц тӹдӹ ытлен гӹнят, Суйышы тӹдӹлӓн ӹлӓш пуйырыде».5Но Павел кӹшкӹм тылыш ӹрзӓл шуэн, кӹшкӹ гӹц нимахань эксӹк лиде.6Павел пуалаш тӹнгӓлеш ӓли трӱк колышы кенвазеш манын, эдемвлӓ шаненӹт, шукы жеп тидӹм выченӹт, дӓ, тӹдӹн доно нимахань эксӹк лидӹмӹм ужмыкы, шанымашыштым вашталтенӹт дӓ тӹдӹм йымы маныныт.

7Ти вӓр гӹц мӹндӹрнӹ агыл остров вуйлатышы Публийӹн суртшы дӓ нырвлӓжӹ ылыныт. Тӹдӹ мӓмнӓм ӹшке докыжы пыртен дӓ кым кечӹ пуры кымыл доно хыналыктен.8Публийӹн ӓтяжӹ шокшымыж дӓ дизентери доно церлӹ киен. Павел тӹдӹн докы пырен, Йымылан ыдылын дӓ вӹкӹжӹ кидшӹм пиштен паремден.9Тенге лимӹ паштек островышты ӹлӹшӹ молы церлӹвлӓӓт Павел докы толыныт дӓ паремдӹмӹ линӹт.10Нӹнӹ мӓлӓннӓ когон шотеш пиштӹмӹштӹм анжыктенӹт. Кынам кеӓш тӓрвӓненнӓ, мӓлӓннӓ ма келеш, цилӓ пуэнӹт.

11Кым тӹлзӹштӹ мӓ тишец островышты телӹм эртӓрӹшӹ Диоскур манмы Александриштӹшӹ кораблеш кешнӓ.12Сиракузыш толын шомыкы, тӹштӹ кым кечӹ ылынна.13Тӹшецӹн Ригиш толын шона, ик кечӹ гӹц кечӹвӓлвел мардеж ӹфӹлӓш тӹнгӓлӹнӓт, кокшы кечӹн Путеолыш толна.14Тӹштӹ шӱмбелвлӓм вӓшлинӓ, нӹнӹ мӓмнӓм шӹм кечеш ӹшке сагашты кодаш ядыныт. Тенге мӓ Римӹш шонна.15Тӹштӹшӹ шӱмбелвлӓ, мӓ толмына гишӓн колмыкы, Аппий площадь дон Кым таверна докы шомеш вӓшлиӓш лӓктӹнӹт. Нӹнӹм ужмыкы, Павел Йымылан таум ӹштен, дӓ кымылжы кузен.16Римӹшкӹ толын шомыкына, кычен питӹрӹмӹвлӓм шӱдӹвуй воеводылан пуэн коден, а Павеллӓн тӹдӹм оролышы салтак доно пасна ӹлӓш ирӹкӹм пуэнӹт.

17Кым кечӹштӹ Павел шотеш пиштӹмӹ когорак иудейвлӓм ӱжӹн, погынымыкышты, нӹнӹлӓн попен: «Шӱмбелвлӓ, ӹшке халыкна ваштареш ӓли ӓтявлӓнӓн овуцашты ваштареш нимат ӹштӹделам гӹнят, мӹньӹм Иерусалимӹштӹ кыченӹт дӓ римлянвлӓн кидӹшкӹштӹ пуэнӹт.18Нӹнӹ мӹньӹм ядыштыныт дӓ, пушташ ярышы нимахань вуйнаматем укеӓт, мӹньӹм колтынештӹ ыльы.19А иудейвлӓ тидӹн ваштареш ылыныт, седӹндон мӹлӓм кесарь анзылны суялташ ядаш вӓрештӹн. Тенге гӹнят ӹшке халыкем нима шотыштат ӹнем йӓтлӹ.20Цилӓ тидӹ гишӓн мӹнь тӓмдӓм ӱжӹнӓм дӓ тӓмдӓм ужын попалтынем ыльы. Израиль халыкын уанен вычымыжы гишӓн мӹньӹм ти кӓпшӹл доно кӓпшӹлтӹмӹ».21Нӹнӹ тӹдӹлӓн попенӹт: «Иудей гӹц мӓ тӹнь гишӓнет нимахань сирмӓшӹм нӓлделна, тӹшецӹн толшы ик шӱмбелӓт тӹнь гишӓнет увертӓрӹде дӓ нимат худам попыде.22Но кыце шанымет гишӓн ӹшке гӹцет колышташ керӓлеш шотленӓ. Цилӓ вӓре эдемвлӓ тӓмдӓн тымдымашда ваштареш попат манын, мӓ пӓленӓ».

23Нӹнӹ Павел доно вӓшлимӹ кечӹ гишӓн попен ярыктенӹт дӓ пӓлемдӹмӹ кечӹн шукын тӹдӹн ӹлӹмӹ вӓрӹш толыныт. Павел, ирок ирӹ тӹнгӓлӹн, вады якте нӹнӹлӓн Йымын Кугижӓншӹ гишӓн ынгылдарен дӓ свидетельствуен, Моисейӹн законжы дӓ пророквлӓн сирӹмӹштӹ гӹц нӓлӹн, Иисус гишӓн нӹнӹм ӹняндӓрӓш цацен.24Иктӹвлӓжӹ тӹдӹн попымыжым лачокеш шотленӹт, весӹвлӓжӹ ӹнянӹделыт.25Лоштышты кӹрмӓшӹмӓш лӓктӹнӓт, нӹнӹ кеӓш тӓрвӓненӹт, тӹнӓм Павел ти шамакым веле попен: «Пророк Исаия гач мӓмнӓн ӓтявлӓлӓн Святой Шӱлӹш лачокым келесен:26
”Ти халык докы ке дӓ келесӹ:
пӹлӹш доно колыштыда, но ада ынгылы,
сӹнзӓ доно анжедӓ, но ада уж.
27Ти халыкын шӱмжӹ кӱӓнгӹн,
пӹлӹшӹштӹ нелӹн колеш,
сӹнзӓштӹм кыменӹт.
Седӹндон сӹнзӓштӹ доно ак ужеп,
пӹлӹшӹштӹ доно ак колеп,
йӓнгӹштӹ доно ак ынгылеп,
Мӹлӓнем нӹнӹм паремдӓш манын,
Мӹнь докем ак сӓрнӓлеп”.

28Тенге, пӓлӹдӓ: Йымын ытарымашыжым язычниквлӓлӓн колтымы, нӹнӹ тидӹ гишӓн колыштыт!»29Павелӹн тидӹм келесӹмӹ паштек иудейвлӓ ӹшке лоштышты когон кӹрмӓшен кенӹт.

30Тенге Павел кок и цилӓ ӹшке шотешӹжӹ ӹлен дӓ ӹшке докыжы толшывлӓм цилӓштӹмӓт шотеш пиштен вӓшлин,31Йымын Кугижӓншӹ гишӓн уверӹм шӓрен дӓ Господь Иисус Христос гишӓн лӱдде тымден, тӹдӹм цӓрӹделыт.


*а 28:11 Диоскур – Йӹгӹр Йымы. Зевс идолын эргӹвлӓжӹ, корабль нерӹштӹ нӹнӹм анжыктымы ылын.

*б 28:26-27 Ис 6:9-10.


предыдущая глава Глава 28 следующая глава