Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТФЕЙӸН СИРӸМӸ СВЯТОЙ ЕВАНГЕЛИ

21 Глава


1 Иисус Иерусалимӹш толын шоэш. 12 Иисус Йымын пӧрт гӹц выжалышывлӓм поктен лыктеш. 18 Кошкышы смоква пушӓнгӹ. 23 Иисусын властьшы гишӓн ядмаш. 28 Кок эргӹ гишӓн тыштен попымаш. 33 Виноград ӓнгӓм кычышывлӓ гишӓн тыштен шайыштмаш.

1Иерусалимӹш лишеммӹштӹ годым Елеон кырык докы Виффагиш шомыкышты, Иисус кок тыменьшӹжӹм анзык колтен2дӓ нӹнӹлӓн келесен: «Анзылныда кайшы солаш кедӓ. Ялштен шагалтымы вӹлӹ оселым тӹнӓмок мода, сагажы сӓмӹрӹк осел лиэш, нӹнӹм шӱтӹдӓ дӓ Мӹнь докем кандыда.3Тӓлӓндӓ иктӓжӹ мам-гӹнят келесӓ гӹнь, тенге попыда: ”Нӹнӹ Господьлан келӹт”. Тӹдӹ тӹнӓмок нӹнӹм колта».4Пророк гач попымы шамак лиӓлт шожы манын, тенге ылын. Пророк попен:
5«Сионын ӹдӹржӹлӓн келесӹдӓ:
теве тӹньӹн Кугижӓэт тӹнь докет смирнӓ толеш,
вӹлӹ осел дон сӓмӹрӹк оселым,
кӹцкӹмӹ оселын цамажым, кышкыж шӹнзӓ».

6Тыменьшӹвлӓжӹ кенӹт дӓ, кыце Иисус шӱден, тенгеок ӹштенӹт.7Вӹлӹ дон сӓмӹрӹк оселым канденӹт, нӹнӹ вӹкӹ выргемӹштӹм шӓрен пиштенӹт, Иисус кышкыж шӹнзӹн.8Когон шукы халыкшы выргемвлӓштӹм корнеш шӓренӹт, а весӹвлӓжӹ пушӓнгӹ укшвлӓм пӹчкеденӹт дӓ корныш оптенӹт.9Анзылны кешӹвлӓӓт, паштекшӹ ашкедшӹвлӓӓт сасленӹт:
«Осанна Давидӹн Эргӹжӹлӓн!
Господьын лӹмжӹ доно Толшы
хвальымы лижӹ.
Осанна кӱшнӹ йонгалтшы!»

10Кынам Тӹдӹ Иерусалимӹш пырен, улы хала тӓрвӓнен, дӓ цилӓнӓт ядыштыныт: «Кӱ Тӹдӹ?»11Халык попен: «Тидӹ Иисус, Галилейӹштӹшӹ Назарет гӹц Пророк».

12Иисус Йымын пӧртӹш пырен дӓ выжалышы дон нӓлшӹвлӓм цилӓштӹм тӹшецӹн поктен лыктын. Окса вашталтышывлӓн стӧлвлӓштӹм дӓ кӓдӹ выжалышывлӓн тӧнгӹлвлӓштӹм кымыктен13дӓ нӹнӹлӓн попен: «Сирӹмӹ: ”Мӹньӹн пӧртем йымыдылмы пӧрт лиэш”, а тӓжӹ тӹдӹм разбойниквлӓн пӹжӓшӹшкӹ сӓртендӓ».

14Йымын пӧртӹштӹ Иисус докы слӧпӧй дон акшаквлӓ толыныт. Тӹдӹ нӹнӹм паремден.15Иисусын ӹштӹмӹ ӧрӹктӓрӹшӹ пӓшӓвлӓжӹм ужын дӓ тетявлӓн Йымын пӧртӹштӹ «Осанна Давидӹн Эргӹжӹлӓн!» манын саслымыштым колын, архиерейвлӓ дон закон тымдышывлӓ шӹдешкенӹтӓт,16Тӹдӹлӓн келесенӹт: «Мам попымыштым Тӹнь колат?» «Колам», – Иисус нӹнӹлӓн манын. – Сирӹмӹ: ”Изи тетявлӓн дӓ цӹзӹ качшывлӓн ышмашты гач Тӹнь хвальымашым йӓмдӹленӓт”. Ӓли тӓ тидӹм нигынамат лыдделда?»17Вара, нӹнӹм коден, хала гӹц лӓктӹн, Вифаниш кен дӓ тӹшток йыдым эртӓрен.

18Ирок ирӹ халашкы пӧртӹлмӹжӹ годым Иисус шужымым шижӹн.19Корны сага смоква пушӓнгӹм ужмыкы, тӹдӹн докы лишемӹн, ӹлӹштӓш гӹц пасна нимат модеӓт, пушӓнгӹлӓн келесен: «Тӹнь гӹцет кӹцкӹ ӹнде нигынамат ӹнжӹ шач». Смоква пушӓнгӹ тӹнӓмок кошкен.20Тыменьшӹвлӓжӹ, тидӹм ужмыкы, ӧрӹнӹт дӓ попенӹт: «Кыце тенге смоква пушӓнгӹ трӱк кошкыш?»21А Иисус нӹнӹлӓн келесен: «Мӹнь тӓлӓндӓ лачок попем: Йымылан ӹнянӹмӓшдӓ лиэш дӓ коктешлӓнен ада шаны гӹнь, смоква пушӓнгӹ доно ӹштӹмӹ ганьым веле агыл ӹштен кердӹдӓ, а ти кырыклан ”Кӹньӹл дӓ тангыжыш шынгалт” маныда гӹнь, тенгеок лиэш.22Ыдылмыда годым мам ӹнянен ядыда, цилӓ нӓлӹдӓ».

23Иисус Йымын пӧртӹш пырен, тымдымыжы годым Тӹдӹн докы архиерейвлӓ дӓ халыкын когораквлӓжӹ толыныт дӓ келесенӹт: «Махань власть доно Тӹнь цилӓ тидӹм ӹштӹлӓт? Кӱ Тӹлӓнет тидӹм ӹштӓш властьым пуэн?»24Иисус нӹнӹлӓн вӓшештен келесен: «Мӹнят тӓ гӹцдӓ иктӹ гишӓн ядам. Тӹдӹ гишӓн Мӹлӓнем келеседӓ гӹнь, Мӹнят махань власть доно цилӓ тидӹм ӹштӹмем келесем.25Иоаннын крестӹмӹжӹ кышец ылын: Пӹлгом гӹц ӓли эдемвлӓ гӹц?»

Нӹнӹ ӹшке лоштышты попенӹт: «Пӹлгом гӹц манына гӹнь, Тӹдӹ мӓлӓннӓ келесӓ: ”Малын вара тӓ тӹдӹлӓн ӹнянӹделда?”26Эдемвлӓ гӹц манына гӹнь, халык гӹц лӱдӓш вӓрештеш, вет Иоанным цилӓн пророкеш шотлат».27Седӹндон нӹнӹ Иисуслан попенӹт: «Ана пӓлӹ». Тӹдӓт нӹнӹлӓн попен: «Тенгежӹ Мӹнят махань власть доно тидӹм ӹштӹмем ам келесӹ».

28«Кыце тӓ шанедӓ? Ик эдемӹн кок эргӹжӹ ылын. Иктӹжӹ докы кен дӓ келесен: ”Эргем, ке, тагачы виноград ӓнгӓштем пӓшӓм ӹштӹ!”29”Ӹштӹмем ак шо”, – тӹдӹжӹ келесен, а вара шанымыжым вашталтен дӓ кен.30Ӓтяжӹ вес эргӹ докы кен дӓ тидӹмок попен. ”Кем, хозаэм”, – манын эргӹжӹ, но кеде.31Кокты гӹц кыдыжы ӓтяжӹн шӱдӹмӹжӹм ӹштен?» «Пӹтӓришӹжӹ», – Тӹдӹлӓн попенӹт. Иисус нӹнӹлӓн келесен: «Тӓлӓндӓ лачок попем: шӓхӓр ӹдӹрӓмӓшвлӓ дӓ лӹм оксам погышывлӓ Йымын Кугижӓншӹш тӓ гӹцдӓ анзыц кеӓт.32Вет Иоанн тӓ докыда тӧр ӹлӹмӹ корны доно толын, тӓ тӹдӹлӓн ӹнянӹделда, а шӓхӓр ӹдӹрӓмӓшвлӓ дӓ лӹм оксам погышывлӓ тӹдӹлӓн ӹняненӹт. Тӓ тидӹм ужында гӹнят, варажат шанымыдам вашталтыделда дӓ ӹнянӹделда.

33Вес тыштен попымашым колыштда. Пӧрт хоза ылын. Тӹдӹ ӓнгӓштӹжӹ виноградым шӹнден, йӹржӹ пичӹм пичен, виноград вӹдӹм пӹзӹрен лыкмы вӓрӹм капаен кынештӓрен, башньым ӹштен. Вара ӓнгӓжӹм виноградым куштышывлӓлӓн анжаш пуэн дӓ ӹшкежӹ кен.34Кӹцкӹ погаш жеп шомыкы, виноград лӓктӹшлӓн тӓрзӹвлӓжӹм виноград анжышывлӓ докы колтен.35А виноградым анжышывлӓ тӹдӹн тӓрзӹвлӓжӹм роалтенӹт, иктӹм шинӹт, весӹм пуштыныт, кымшы вӹкӹ кӱм кӹшкенӹт.36Эчеӓт тӹдӹ молнамшы гӹц шукырак тӓрзӹвлӓм колтен, но нӹнӹ донат тенгеок ӹштенӹт.37Остаткаэш хоза нӹнӹ докы эргӹжӹм колтен дӓ попен: ”Эргӹм анзылны нӹнӹ намысланат”.38Но виноград анжышывлӓ, эргӹжӹм ужмыкы, ӹшке лоштышты попенӹт: ”Тӹдӹ наследник. Ӓлдӓ кенӓ дӓ тӹдӹм пуштына, тӹнӓм цилӓ мӓ нӓлӹнӓ”.39Тӹдӹм роалтен кыченӹт, виноград ӓнгӓ гӹц лыктыныт дӓ пуштыныт.

40Ӓнгӓ хоза, толмыкыжы, виноградым анжышывлӓ доно мам ӹштӓ?»41Иисуслан келесенӹт: «Ти худа эдемвлӓм ӹжӓлӓйӹдеок пуштыкта, а виноград ӓнгӓжӹм весӹвлӓлӓн, ӹшке жепӹштӹжӹ кӹцкӹм поген пушы эдемвлӓлӓн, анжаш пуа».42Иисус нӹнӹлӓн попен: «Писаништӹ сирӹмӹм нигынамат лыдделда ма?
”Пӧрт ӹштӹшӹвлӓн ярдымеш лыкмы кӱ
негӹцӹн огол кӱ лин:
тидӹжӹ Господь гӹц,
мӓмнӓн сӹнзӓ анзылнына ӧрӹктӓрӹшӹ”.

43Седӹндон тӓлӓндӓ попем: Йымын Кугижӓншӹ тӓ гӹцдӓ нӓлӓлтеш дӓ Кугижӓншӹн кӹцкӹжӹм шачыктышы халыклан пуалтеш.44Кӱ ти кӱ вӹкӹ кенвазеш, тӹдӹ шушырга, а кӱн вӹкӹ кӱ кенвазеш, тӹдӹм пӹзӹрен пиштӓ».

45Иисусын тыштен попымыжым колыштмыкы, архиерейвлӓ дон фарисейвлӓ ӹшкештӹ гишӓн попымым ынгыленӹт.46Нӹнӹ Тӹдӹм роалтен кычаш йӧнӹм кӹчӓлӹнӹт, но Иисусым эдемвлӓ пророкеш шотленӹт, седӹндон халык гӹц лӱдӹнӹт.


*а 21:1 «Елеон кырык» – греклӓ сирӹмӓштӹ «Олив кырык» ӓли «Олив пушӓнгӓн кырык».

*б 21:5 Ис 62:11, Зах 9:9. «Сионын ӹдӹржӹ» – Иерусалим манын ынгылыман.

*в 21:9 Осанна – тидӹ – мактымы шамак, ’ытары’, ’палшы’ манмым анжыкта.

*г 21:13 Ис 56:7, Иер 7:11.

*д 21:16 Пс 8:3.


предыдущая глава Глава 21 следующая глава