Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ТИМОФЕЙНЕНЬ ПАВОЛОНЬ ВАСЕНЦЕ СЁРМАЗО

Глава 2

Кемицянь промкссо озномадо ды прянь ветямодо

1Секскак васняяк энялдан теть вана мезень кувалт: вешематне, озноматне, энялдоматне, сюкпрянь ёвтамотне улест ютавтозь-ветязь весе ломантнень кисэ.2Инязортнэнь ды весе прявтнэнь кисэяк эряви озномс. Те максы миненек эрямс сэтьместэ ды ладямосо, Пазонть мелензэ ванозь ды парокойсэ.3Те паро ды вечкеви Пазонтень, минек Идицянтень,4конань мелезэ идемс весе ломантнень ды ветямс-пачтямс сынст видечинь чарькодемантень.5Эдь Пазось вейке, ды Пазонть ды ломантнень ютксо тевень якавтыцяськак вейке – те ломанесь Христос Иисус,6кона максызе Эсь прянзо весень идемань-рамамонь кисэ. Истя Сон кармась улеме Пазонть пельде аравтозь шкасто идемань невтиця тешксэкс.7Тень кисэ Пазось аравтымим монь Сонзэ кулянь кандыцякс ды апостолокс, лия раськетнень кемемантень ды видечинтень тонавтыцякс. Христос марто вейсэндязь, мон кортан видечи, а кенгелян.

8Монь ули мелем: эрьва косо озновольть цёратне ды кепсевельть кедест ванькс мель марто, кежтеме ды кавтолдомавтомо.9Аватнень коряскак монь истямо мелем: сыненст эряви оршамс сельмес а каявиця оршамосо ды наряжамс-мазылгавтомс эсь пряст виздезь ды паро коень кирдезь, аволь черькодавкссо, сырнесэ, питней эрьгесэ ды сюпав оршамосо.10Кадык сынь мазылгалить паро тевсэ, кода лади аванень, конат апак кекше невтить эсь пряст Пазнэнь кемицякс.11Кадык авась кунсолы тонавтоманть чатьмонезь, алкуксонь сэтьме лувсо-ладсо.12Мон а мерян авантень тонавтомс ды кирдемс кедензэ ало цёранть. Кадык чатьмони.13Эдь васняяк ульнесь теезь Адам, мейле Ева.14Ды ильведстезь-манязь ульнесь аволь Адам, ильведстезь-манязь ульнесь авась, ды истя сон прась пежетьс.15Ялатеке сонгак идезь ули кода эйкакшонь чачтниця, бути карми эрямо кемемасо ды вечкемасо ды карми ветямо сэтьме, Пазонтень алтазь эрямо.


предыдущая глава Глава 2 следующая глава