Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОЛОССА ОШОНЬ КЕМИКУРОНТЕНЬ ПАВОЛОНЬ СЁРМАЗО

Глава 4

1Азорт, тейнеде уренк марто парсте ды видестэ. Мельсэнк кирдеде: тынккак менель лангсо ули Азоронк.

Меельце превспутомат

2Ознодо цидярдозь, ознома шкастонть уледе эрязат ды ёвтадо сюкпря Пазонтень!3Ознодо истя жо минек кисэяк: кадык Пазось панжсы миненек кенкшенть Сонзэ валонть пачтямонтень Христосонь салавачиденть, конань кисэ мон пекстазянгак.4Ознодо: кадык саты вием пачтямс те валонть истя чарькодевиксстэ, кода монень эрявияк теемс!5Ветядо прянк превейстэ акемицятнень марто, нолдадо тевс эрьва ён шканть.6Тынк валонк улезэ мельс туиця ды седейс токиця; содадо, мезе ёвтамс эрьванть каршо.

7Монь эйстэ весементь ёвтнесы тенк Тикик, монь вечкевикс кемиця ялгам, кемевикс важодицясь ды мартонок Азоронтень вейсэнь тевень теицясь.8Мон кучса сонзэ тыненк самай се тевенть марто: содамс тынк тевтнеде ды оймавтомс-кемекстамс седеенк.9Сонзэ марто мон кучса кемевикс ды вечкевикс кемиця ялганть Онесимень, кона тынксетнестэ вейкесь. Сынь ёвтнесызь тыненк весе, мезе тесэ юты.

Шумбракстнемат

10Шумбракстнемат кучить тенк Аристарк, мартон пекстазь ялгам, ды Марк, Варнавань патянзо цёрась. Тыненк уш кучозель сонзэ коряс истямо вешема: бути сон сы тыненк, инеськеть, парсте вастынк сонзэ.11Истя жо кучи шумбракстнемат тенк Иисус, конанень весе мерить Юстус. Еврейтнень ютксто ансяк сынь важодить мартон вейсэ Пазонь Инязорксчинтень ды аштить монень алкуксонь нежекс.12Шумбракстнемат кучи тынсенк Эпафрас, Иисус Христосонь важо. Сон свал ашти-тюри тынк кисэ ознозь: аштевлиде тынь кеместэ, улевлиде вийс совазь ды улевель тынк эйсэ весе се, мезе тукшны Пазонть мельс.13Мон неян-кемекстан сень, кода сон, виень апак вансто, мелявтозь важоди тынк туртов ды Лаодикиянь ды Иераполень кемицятнень туртовгак.14Шумбракстнемат тыненк кучить Лука, минек вечкевикс ормаменстицясь, ды Демос.

15Ёвтадо шумбракстнемат Лаодикиясо кемиця ялгатненень, истя жо Нимфаннэнь ды кемикуронтень, кона пурнавкшны сонзэ кудосо.16Зярдо те сёрмась ули ловнозь тынк кедьсэ, мейле ловновтынк сонзэ Лаодикиянь кемикуросояк. Тынсь истя жо ловнынк Лаодикияв кучозь монь сёрманть.17Ёвтадо Аркипнень: кадык сон, мезе лангскак апак вано, топавтсы се тевенть, кона тензэ максозь Азоронть пельде.

18Сёрмадан ней эсень кедьсэ: шумбракстнемат Паволонь пельде. Илядо стувтне монь пекстамодонть. Пазонь чанстесь улезэ весеменк тынк марто! Аминь.


предыдущая глава Глава 4 следующая глава