Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОРИНФ ОШОНЬ КЕМИКУРОНТЕНЬ ПАВОЛОНЬ ОМБОЦЕ СЁРМАЗО

Глава 13

Меельце превспутомат ды шумбракстнемат

1Ней мон сан тыненк колмоцеде. Те виде-паро истя, кода ёвтазь Сёрмадовкссо: «Эрьва чумондомась кемекстави кавто эли колмо неицянь-содыцянь валсо».2Зярдо мон ульнинь тынк кедьсэ омбоцеде, сестэ уш кортынь сетненень, кить яла тейнить пежеть. А вана ней, васолдо тынк эйстэ, таго икелепелев сёрмадан тенст ды весе лиятнененьгак: колмоцеде самсто киньгак жалямо а карман!3Сестэ тынь, вешеманк коряс, эсь сельмесэнк несынк: монь вельде корты Христос. Сонзэ тевензэ эрямосонк допрок аволь лавшот, Сон яволявтсы тынк ютксо Эсь виензэ!4Нама, Сонзэ вачкодизь крёст лангс, зярдо ульнесь лавшо, ней жо Сон эри Пазонть вийсэ. Христос ладсо миньгак истя жо лавшот, ансяк ней Сонзэ марто миньгак эрятано Пазонть вийсэ, конань тынсь карматадо нееме ды марямо!

5Кевкстинк эсь прянк: тынь алкукс кемицят? Варчавтнинк-ванкшнынк эсь прянк. Арази тынь а содатадо: тынк эйсэ эри Иисус Христос? Бути Сон арась эйсэнк, сестэ а кирдеви тенк варчавтнемась.6Мон кеман-нежедян тынк чарькодеманк лангс: минь сеть, конатненень кирдеви варчавтнемась.7Ялатеке минь ознотано Пазонтень: тынь аволиде тее мезеяк берянь. Минь истя ознотано аволь сень кисэ: невтемс эсь прянок варчавтнематнень кирдицякс, а сень кисэ: теевлиде тынь паро – кадык мик тыненк неяви: миненек эзь кирдеве варчавтнемась.8Эдь миненек мезеяк а тееви видечинть каршо, ансяк видечинть кисэ.9Минь кенярдтано, зярдо минь лавшотано, тынь вана виевтядо. Секскак минь ознотано тынк эрямонк вадрялгавтоманть кисэ.10Сёрмадан теде васолдо вана мекс: зярдо сан тыненк, илязан уле мартонк калгодокс-кежеекс. Эдь Азорось максызе монень нолдамс тевс азорксчинть тынк кастоманк-кемекстамонк кисэ, аволь яжамонк-калавтоманк кисэ.

11Кемиця ялган, меельцекс ёвтан: кенярдкшнодо, бажадо эрямонк вадрялгавтомантень. Топавтодо сень, мезе мон вешинь пельденк, весемесэ уледе ве мельсэ, эрядо ладязь. Сестэ Пазось, вечкемань ды седейоймамонь лисьмапрясь, ули тынк марто.12Шумбракстнеде вейкенк-вейкенк марто Пазонь ломанень паламосо. Пазонь весе ломантне кучить тенк сюкпрят!

13Минек Иисус Христос Азоронть чанстесь, Тетя Пазонть вечкемась ды Иневанькс Оймеялтонть вельде вейсэндямось улест весе тынк марто! Аминь.


предыдущая глава Глава 13 следующая глава