Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

КОРИНФ ОШОНЬ КЕМИКУРОНТЕНЬ ПАВОЛОНЬ ВАСЕНЦЕ СЁРМАЗО

Глава 2

Коринфсэ Паволонь икелень тонавтомазо

1Ды зярдо мон сынь тыненк, кемиця ялган, Паздонть яволявтоманть пачтямо, сестэ мон эзинь нежеде келем мазыйчинзэ ды превейчинзэ лангс.2Эдь мон совинь кеме мельс: тынк ютксо улемстэ мезеяк лия а содамс Иисус Христосто башка – крёст лангс вачкодезь Христосто башка.3Мон сынь тыненк лавшокс, пелицякс, пек сорныцякс.4Монь валось ды тонавтомась эзть снарто тынк кемевтемс ломанень превейчисэнть. Мекевланк, сынь невтизь Пазонь Оймеялтонть виензэ.5Истямо ладсо, кадык тынк кемеманк нежеди Пазонь виенть лангс, аволь ломанень превейчинть лангс.

Пазонь превейчи

6Ялатеке, касозь-виензазь ломантнень ютксо улемстэ, минь пачтятано превейчи, ансяк аволь те масторлангонть ды сонзэ прявтнэнь превейчинть. Сынст азорксчист курок прядови.7Минь пачтятано Пазонь салавань превейчинть, кона те шкас кекшезель ды конань Пазось аравтызе минек инексчис уш мирэнть-масторонть теемадо икеле.8Те превейчинть кияк те масторлангонь прявтнэнь эйстэ эзизе чарькоде. Бути сынь сонзэ чарькодевлизь, сестэ аволизь вачкоде крёст лангс инексчинь Азоронть.9Сёрмадовкссо ялатеке ёвтазь:
«Мезе сельмесь эзь некшне
ды пилеськак эзь марсе,
ды мезе эзь сакшно ломаненть превскак,
сень анокстызе Пазось Сонзэ вечкицятненень».
10А вана миненек Пазось панжизе те превейчинть Эсь Оймеялтонзо вельде. Оймеялтось педе пес онксты-чарькоди весементь, мик Эсензэ Пазонть домка салавачинзэяк.11Кинень содавить ломаненть мелензэ-арсеманзо? Сынь содавить ансяк ломанень оймеялтонтень, кона сонзэ эйсэ. Истя жо Пазонь мельтне-арсематнеяк содавить ансяк Пазонь Оймеялтонтень.12Миненек жо максозь Оймеялтось Пазонть пельде, аволь те масторлангонть оймеялтось. Тень кувалт миненек содави се, мезенть Пазось максызе тенек казнекс.13Весе тень эйстэ минь ёвтнетянояк, ансяк истямо валтнэсэ, конатнес тонавтымизь Иневанькс Оймеялтось, аволь сеть валтнэсэ, конатнес тонавтымизь ломанень превейчись. Секскак Оймеялтонь тевтнень панжтано Оймеялтонь максовт валсо.14Ломанентень эсь обуцянзо коряс а саеви превс се, мезесь максозь Пазонь Оймеялтонть пельде: сон тень лови превтемечикс. Сонзэ арась виезэ тень чарькодемс, секс мекс те онкстави ансяк Оймеялтонть вельде.15Оймеялтонь ломанесь онксты эрьва мезенть, ансяк сонзэ онкстамс киньгак арась виезэ.16Эдь Сёрмадовкссо ёвтазь:
«Кие чарькодинзе Азоронть мелензэ-превензэ,
кинь ули виезэ путомс Сонзэ превс?»
Миненек жо максозь Христосонь мельтне-превтне.


предыдущая глава Глава 2 следующая глава