Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАРКОНЬ КОРЯС ЕВАНГЕЛИЯ

Глава 16

Иисусонь кулозьстэ вельмемазо

1Оймсема чинть ютамодо мейле Магдалань Мария, Яковонь авазо Мария ды Саломия рамасть тантей чине ойть Иисусонь уловонть ваднемс.2Недлячистэнть, чинь лисема шкане, сынь сыргасть калмонзо лангс.3Ютамсто кортасть эсь ютковаст: «Кие сявордсы тенек кевенть калмонтень совамо таркастонть?»

4Зярдо пачкодсть калмонтень, неизь: кевесь, те ульнесь вельть покш кев, айгезель совамо таркастонть.5Сынь совасть калмонтень ды несть вить пеле озадо аштиця од цёра, конань лангсо ульнесть ашо кувака оршамот. Сынь пек тандадсть.6Цёрась мерсь тенст: «Илядо пеле. Тынь вешнетядо Назаретэнь Иисусонь, кона вачкодезель крёст лангс. Сон вельмесь, тесэ арась. Вана таркась, козонь Сон путозель.7Азёдо, нейке ёвтадо тонавтницянстэнь ды Петраненьгак истя: Сон тынденк икеле моли Галилеяв, тосо тынь несынккак Сонзэ, кода теде Сонсь тенк ёвтакшнось».

8Сынь лиссть, сорнозь ды талнозь, чиезь тусть калмонть эйстэ, тандадомадонть киненьгак мезеяк эзть ёвта.

Кулозьстэ вельмезь Иисус марто вастома

9Иисус вельмесь кулозьстэ недлячинь валске. Васняяк Сон прянзо невтизе Магдалань Мариянень, конаньстэ панекшнесь сисем идемевсть.10Мария тусь ды ёвтась сетненень, конат яксекшнесть Иисус марто ды конат ней авардсть ды мелявтсть.11Сынь кодаяк эзть кемезеве, зярдо марясть, келя Иисус эри, ды Мария неизе Сонзэ.

12Теде мейле Иисус невтизе прянзо лия чачосо эйстэст кавтотненень, конат ютыльть велев.13Сетне велявтсть ды ёвтнесть лия тонавтницятненень, ялатеке сыненсткак эзть кеме.

14Меельце пелев Иисус невтизе прянзо кевейкее тонавтницянстэнь, зярдо сынь ярсыльть. Сон сялгавтнинзе сынст акемемаст ды калгодо седеест кисэ, мекс сынь эзть кеме кулозьстэ вельмемадо мейле Сонзэ неицятненень.15Сон мерсь тенст: «Азёдо весе масторлангонть келес, эрьва ломанентень ёвтнеде Кенярксов кулянть.16Се, кие кеми ды ули нававтозь, идеви; кие а кеми, се судязь ули.17Кемицятненень кармить тейневеме истят тешкст: Монь лемсэ кармить пансеме идемевсть, кортазевить од кельсэ.18Сынь кармить кедьсэ гуень сайнеме, ды симиндеряйть кодамояк куловтома ядто – берянь тенст а тееви; кармить путнеме кедест сэредиця лангс, сеть шумбралгадыть».

19Тонавтницятнень марто истя кортамодонть мейле Азорось ульсь кепедезь менельс ды озась Пазонть вить ёнов.20Тонавтницянзо тусть ды эрьва косо пачтясть паро кулянть. Азорось важодсь сынст марто ды кемекстась валост мельгаст молиця тамашань тешкссэ. Аминь.


предыдущая глава Глава 16 следующая глава