Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТВЕЕНЬ КОРЯС ЕВАНГЕЛИЯ

Глава 19

Явомадо

1Зярдо Иисус прядынзе неть валтнэнь, сестэ Сон тусь Галилеясто ды сась Иудеянь масторс Иордан леенть омбоце пелев.2Мельганзо мольсть ламо ломанть. Сон сынст шумбралгавтнесь тосо.3Састь ваксозонзо фарисейть ды, Сонзэ снартнемань-варчавтнемань кисэ, кевкстизь: «Мери-арась Коесь цёрантень явомс нинзэ эйстэ эрьва кодамо тувталонь коряс?»4Иисус мерсь каршост: «Арази эзиде ловно Пазонь Сёрмадовксстонть: Инешкесь-Теицясь ушодовома шкасто теинзе цёрантькак ды авантькак.5Седе тов Пазось корты: “Секскак цёрась кадсынзе тетянзо-аванзо, сюлмави нинзэ марто, ды сынь кавонест теевить вейке рунгокс”.6Мейле кармить улеме аволь кавто, а вейке ломанькс. Лисни, мезенть Пазось вейс сюлмизе, сень ломанесь илязо явно».

7Фарисейтне кевкстизь сонзэ: «Мекс эно сестэ Моисей макссь кармавтома: максомс нинтень явомадо конёв ды явомс эйстэнзэ?»8Иисус ёвтась каршост: «Моисей мерсь тенк явомс нинк эйстэ калгодо седеенк кувалма, ансяк васняяк ульнесь аволь истя.9Мон вана кортан тенк: кие яви нинзэ эйстэ аволь усксевема тувталонь кувалма ды урьваксты лия лангс, се ускури. Кие урьваксты явозенть лангс, сеяк ускури».

10Тонавтницянзо мерсть тензэ: «Бути те ули вейкине тувталокс, конань кувалт мирдесь яви нинзэ марто, сестэ седе паро а урьвакстомскак».11Иисус мерсь каршост: «Аволь эрьвантень саевить превс неть валтнэ, ансяк сенень, кинень те максозь Пазонть пельде.12Улить цёрат, конат чачить урьвакстомо амаштовицякс, улить истяткак, конатнень урьвакстомо амаштовицякс тейсызь лия ломанть, ды улить истяткак цёрат, конат а урьвакстыть Менельсэнть Инязорксчинзэ кисэ. Кинень те саеви превс, кадык истя теияк».

Иисус чансти-баслави эйкакшт

13Сестэ Иисуснэнь ветясть эйкакшт, конатнень лангс вешсть путомс кедензэ ды озномс кисэст. А вана тонавтницянзо кардасть ветицятнень.14Иисус кортась тонавтницянстэнь: «Нолдтнеде эйкакштнэнь Монень, илядо карда эйсэст, эдь истятнэнь ули Менельсэнть Инязорксчист».15Иисус путынзе эйкакштнэнь лангс кедензэ ды мейле тусь тосто.

Сюпавонь идевемадо

16Весть Иисус ваксс сась ве ломань ды кевкстизе Сонзэ: «Паро тонавтыця, кодамо паро тев эряви теемс монень пингеде пингень эрямонтень совамга?»17Сон мерсь тензэ: «Мекс тон Монень “паро” мерят? Паздо башка кияк парокс а эрси. Улиндеряй мелеть совамс пингеде пингень эрямос, эряк кармавтовкстнэнь коряс».18Сон кевкстсь: «Кодат кармавтовкстнэнь коряс?» Иисус ёвтась: «Иля маштне, иля ускуря, иля сала, иля кенгеле,19ловт ломанькс тетять-авать, вечкть малавиксэть кода эсь прят».20Од ломанесь мерсь тензэ: «Весе тень мон топавтан од пингестэ саезь. Мезе эно зярс тень а саты?»21Иисус мерсь тензэ: «Улиндеряй мелеть теевемс педе пес Пазонь кунсолыцякс, сестэ азё, микшник весе ули-парот. Ярмактнень явшить пурныцятнень ланга. Сестэ карми улеме теть сюпавчи менель лангсо. Теде мейле сак ды мольть Монь мельга».22Неть валтнэнь марязь, од ломанесь тусь нусмакадозь: эдь вельть ламоль сонзэ ули-парозо.

23Иисус мерсь тонавтницянстэнь: «Видестэ мерян тенк: стака сюпав ломаннень максомс прянзо Менельсэнть Инязорксчинтень!24Таго мерян тенк: сюпав ломанентень пек стака совамс Пазонь Инязорксчинтень, седе шожда верблюдонтень салмукс варява ютамс».25Тень марямсто тонавтницянзо пек дивазевсть ды мерсть: «Кинень эно сестэ идеви?»26Иисус видьстэ варштась лангозост ды мерсь тенст: «Ломанентень те а тееви, а вана Пазонтень тееви весе».27Сестэ Петра мерсь каршонзо: «Вана минь кадынек весементь ды туинек Тонь мельга. Мезе тень кисэ максови тенек?»28Иисус мерсь тенст: «Кемеде Монень: зярдо одкстоми весе масторлангось ды Ломантнень Цёрась озы Эсь инексчисэнзэ инязоронь тарканзо лангс, сестэ тыньгак, Монь мельга молицятне, озатадо азорксчинь кемгавтово таркатнень лангс ды карматадо улеме Израилень кемгавтово буетнень лангсо прявтокс-судиякс.29Эрьвась, кие Монь кисэ кадсы кудонзо, лелянзо-ялаксонзо, патянзо-сазоронзо, тетянзо-аванзо, нинзэ, эйкакшонзо эли паксянзо, сенень максови сядонь кирда, ды сон сови пингеде пингень эрямос.30Ды ламот, конат те эрямосонть васенцеть, теевить меельцекс, а вана меельцетне — васенцекс».


предыдущая глава Глава 19 следующая глава