Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Мазыйдеяк мазый Моронь книгась

СОЛОМОНОНЬ МОРО

(Иерусалимень тейтертне:)
1– Тейтертнестэ сехте мазыесь,
   ков эно тусь вечкевиксэть?
   Кона ёнов сыргась малавиксэть?
   Минь карматано тонь марто сонзэ вешнеме.

(Тейтересь:)
2– Монь вечкевиксэм сась умарьпирезэнзэ,
   тантейстэ качадыця цецянзо юткс.
   Тосо сон карми якамо-ярснеме,*а
   карми лилиянь сезнеме.
3Мон – вечкевиксэнь,
   сон – монь.
   Сон яки-ярсни*б лилиятнень ютксо.

Ветеце моро

(Цёрась:)
4– Монь седейпелькскем,
   тон мазыйдеяк мазыят, теке Фирца.*в
   Мельстуицят, теке Иерусалим.
   Пелеме кармавтыцят, теке масторкоцтост*г ало ушмот.
5Саить эйстэнь сельметь:
   вановтот талновты эйсэнь.
6Череть – теке Галаадонь пандопрясто
   ардыця раужо сеянь куро.
   Пееть – теке экшелямодо мейле
   ведьстэ лисиця ашо реветь,
   теке кавтаське левкскеть, кавтонь-кавтонь –
   эйстэст вейкеяк эзь ёма.
7Чамаумареть – теке пель гранатт
   неявить пряват каязь вельтявксонть пачк.
8Кадык инязоронть улить кодгемень инязораванзо,
   кавксоньгемень нинзэ-наложницанзо
   ды а лововитькак, зняро лия тейтерьаванзо.
9Монь туртов ули ансяк сон ськамнензэ –
   монь гулькинем, монь ванькскем,
   аванзо вейкине тейтересь,
   чачтыцянзо весемеде вечкевиксэсь.
   Неизь весе тейтертне ды лемдизь чанстязекс,
   сонзэ шныть-инелгавтнить мик инязораватне
   ды нитне-наложницатне.

(Иерусалимень тейтертне:)
10– Кие те истямось – конань чачозо, теке зоря,
   мазыйдеяк мазыесь, теке ков,
   валдодояк валдось, теке чипай,
   пелеме кармавтыцясь,
   теке масторкоцтост ало ушмось?

(Тейтересь:)*д
11– Мон валгинь пешксэнь садпирев –
   лайменть пиже тюсонзо лангс варштамо,
   ваномо, пижелгадсть-эзть винаумарьксэнь тарадтнэ,
   редямо, пургондасть-эзть гранатонь панжовкстнэ.
12А содангак кода, оймем-седеем ветимим монь
   раськень содавикс ломантнень ушмокрандазтнэнь ваксс.*е

*а 6.2 Те тарканть ули лия чарькодемазояк: ракшанзо ваномо.

*б 6.3 эли: ваны ракшанзо.

*в 6.4 Фирца (Тирса) – Израилень якшамо ёнксонь масторонь прявтош Самариянь теевемань шканть самс (минек эрадо икелень 9-це пингень куншкавидьс). Содавиксэль мазыйчинзэ коряс.

*г 6.4 масторкоцт – знамя, флаг.

*д 6.11 Лия толковамонть коряс, тесэ корты цёрась.

*е 6.12 Те таркасонть евреень текстэсь стакасто чарькодевикс.

 Глава 6