Выбрать язык
Книги Ветхого Завета
Книги Нового Завета
с русским текстом
1– Цёрам! Саить превс монь валон,
оймесэть ванстыть монь кармавтоман.
2Панжить пилеть покш превейчинтень,
чиремтик седееть чарькодемантень.
3Тердть лездыцякс содамочитнень,
верьга вайгельсэ пшкалек превтненень.
4Бажак покш превейчинтень, кода сиянтень,
вешнек сонзэ теке кекшезь сюпавчинть.
5Сестэ чарькодьсак Инешкипаздонть пелеманть,
тонадат содамо Пазонть.
6Эдь Инешкипазось – покш превейчинь лисьмапря,
Сон максы содамочить ды превть.
7Сон аноксты изнямо-идема видечисэтнень туртов.
Сон теке ваксар*а экшс кекши ваньксчисэ эрицятнень.
8Сон вансты видестэ судямонь китнень
ды короды эсензэ кемевикстнэнь яност.
9Сестэ тон чарькодьсак чумовтомочинть,
видестэ судямонть ды видечинть,
кармат содамо, кода теть эскелямс паро киява.
10Сестэ покш превейчись сови тонь седейс,
содамочись теи мельспаро тонь ойментень,
11чарькодьксчись карми ванстомот,
превтне кармить кородомот.
12Сестэ тон идеват зыянов кинть эйстэ,
кортамосонзо зыянс чиртицянть эйстэ,
13чопода яннэва яксемань кисэ
виде китнень кадныцятнеде,
14сетнеде, конат кеняркшныть берянень теемазост,
пешкедить мельспаросо зыяндонть ды апародонть.
15Сынст молевксэст чирть-мурт,
сынь кадновкшныть эсест кист лангсо.
16Покш превейчись идетянзат лиянь нинть эйстэ,
берянь тейтерьавадонть, кона манямгат валакавтни келензэ-валонзо.
17Сон кадызе од шкань поланзо-оянзо
ды стувтызе Пазонть икеле максозь алтамонзо.
18Сонзэ кенкшезэ вети куломас,
кинзэяк пачтить тоначинь отьмас.
19Сонензэ совицятнестэ кияк мекев а велявтни
ды эрямонь килангс одов а чалгакшны.
20Секс тон якак партнэнь киява,
кирдевть видечисэтнень яност лангсо.
21Эдь видечисэтне кармить эрямо моданть лангсо,
ваньксчисэтне свалшкас кадовить тоско.
22Пазтомотне, вана, улить панезь-маштнезь масторстост,
Сонзэ кадыцятне ундокснэк таргавить модастост.
*а 2.7 ваксар – щит.
Глава 2