Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 94
Маринк Пазонть валонзо!
Давидэнь шнамоморозо.
1Садо, моратано Азоронтень,
кенярдозь серьгедтяно [Пазонтень],
минек идемань кевпандонтень!
2Мольтяно Сонзэ икелев сюкпрянь вал марто,
серьгедтяно Сонензэ шнамоморотнесэ!
3Эдь Азорось – ине Паз
ды весе пазтнэнь лангсо Ине Инязор.
4Сонзэ кедьсэ модапотмонь домкачитне,
пандонь тёкшотнеяк Сонзэ.
5Сонзэ – иневедесь: Азорось теизе сонзэ,
ды модаськак Сонзэ – сонзэяк теизь кедензэ.
6Садо, сюконятано, коматано
ды пратано кумажа лангс Азоронть,
минек Теицянок, икеле.
7Сон минек Пазонок, ды минь Сонзэ раськезэ, конань Сон ваны,
ревензэ, конатнень Сон кедьсэнзэ вети.
Вай, бути тынь течи марявлинк вайгелензэ!
8Пазось корты: «Илинк калгодкстомто седеенк,
кода те ульнесь Меривасо,
кода теевкшнесь варчавтнема*а чистэнть чаво модасо,
9косо тынк тетятне стякшность Монь каршо,
терявтнесть Эйсэнь ды несть Монь тевень.*б
10Ниленьгемень иеть те буесь ацирьгавтнесь Монь,
ды Мон меринь: ”Те раське, кона манчеви седейсэнзэ.
Сонзэ арась мелезэ содамс Монь китнень”.
11Ды сестэ Мон кежень пачк божинь-пежедькстынь:
”Сынь а совить Монь эрямо тарказон,
косо Мон максовлинь сыненст оймамо”».
*а 94:8 варчавтнема – искушение, испытание
*б 94:8-9 Вант: Лисема 17:7
Глава 94
