Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 83
Пазом, монень вечкеви Тонь эрямо таркась
1Моравтомань ветицянтень. Гефа△ седямопель марто. Кореень буенть псалмась.
2Кода вечкеви монень Тонь эрямо таркась,
менелень вийтнень Азоро!
3Палы-ченги монь оймем,
Азоронть озкудонь пирявтонть потс бажазь.
Монь седеем ды рунгом кенярдозь морыть эриця Пазонтень.
4Нармунеськак мукшны эстензэ эрямо тарка,
цянавоськак теи эстензэ пизэ,
косо ливтемс эсензэ левкстнэнь:
Тонь алтареть вакссо, менелень вийтнень Азоро,
монь Инязором ды Пазом!
5Уцяскавт Тонь кудосо эрицятне.
Сынь свал кармить Тонь шнамо.
6Уцяскавт ломантне, конатнень виест Тонь эйсэ
ды конатнень седеест бажи молемс Тонеть.
7Авардемань лаймева ютамсто
сынь панжить тосо лисьмапрят,
ды пиземесь максы те лайментень чанстямо.
8Эскельксэнь-эскельксэнь сынь пурныть вий,
зярс а стить Пазонть икелев Сионсо.
9Азоро, менелень вийтнень Паз!
Марик монь озномам, марик сонзэ, Иаковонь Паз!
10Пазом, минек ванстыцянок!
Велявтык прят ды варштак Тонь вадевтенть чамазонзо.
11Вейке чись Тонь озкудонь пирявтонть потсо
тёжа читнедеяк седе вадря лия таркасо улеманть коряс.
Монень седе паро улемс Пазонь кудонь поровтонть вакссо,
ансяк а эрямс зыяновтнень коцткудотнесэ.
12Эдь Азоро Пазось – те чипай ды ваксар.
Азорось максы миненек седеймарямо ды шнамо.
Сон казьсынзе паросо ваньксчисэ эрицятнень.
13Менелень вийтнень Азоро!
Уцяскав ломанесь, кона кеми-нежеди Тонь лангс.
Глава 83
