Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 73

Пазонтень пшкадема калавтозь кудонзо кувалма

Асафонь тонавтомазо.

1Пазом, мекс ёртымизь-кадымизь минек свалшкас?
   Мекс кирвазсь кежеть Тонь стадань реветнень лангс?
2Ледстить Тонь ломанеть,
   конатнень кочкить-саить кезэрень шкасто,
   идить сынст ды теить Эсеть раськекс.
   Ледстик Сион пандонтькак,
   конань лангсо Тон эрить-аштить.

3Сак ды варштак пингеде пингень калавтовкстнэнь лангс:
   душманось яжизе весементь иневанькс эрямо таркасот.
4Тонь душмантнэнь ирнэмаст маряви Тонь сюконямо таркасот.
   Сынь путызь тозонь эсест изнямонь тешксэст.
5Невтсть эсь пряст сетнень ёнов молицякс,
   конат яхоить узересэ тусто вирьсэ.
6Истя сынь ней весть аволдамсто тапизь узересэ ды торосо
   Пазонь озкудонь весе мазый керсевкстнэнь.
7Сынь пултызь Тонь иневанькс аштема таркат,
   допрок нулгодьксэкс теизь те тарканть,
   косо эрясь Тонь леметь.
8Мерсть эсест седейсэст: «Допрок калавтсынек сынст», –
   ды пултызь моданть лангсто Пазонтень весе сюконямо таркатнень.

9Минь а нетяно уш дивань тешкст, арась ютксонок пазмариця,
   ды арась ютксонок вейкеяк, кие содаволь, зярс те карми улеме.
10Пазом, зярс карми згилямо-раксеме душманось?
   Пингеде пингес, нать, каршо молицясь карми покордамо Тонь леметь?
11Мекс саят кедеть, мекс а венстят вить кедеть?
   Кепедик виев кедеть ды маштыть сынст.

12Пазом, ушодовомсто Тон монь Инязором,
   моданть лангсо идемань теицясь!
13Тон явик-лоткавтык Эсеть вийсэ иневеденть,
   Тон тапить ведьсэ эриця тамашань гуйтнень пряст.
14Тон тапить левиафанонь, инегуенть, прятнень,
   максык сонзэ чаво модансетненень, [ефиопиянсетненень].
15Тон почкавтыть лисьмапрят ды чудиведь,
   Тон костить ведте амаштниця лейтнень.
16Чись – Тонь ды весь – Тонь,
   Тон теить валдомтыцят: чи ды ков.
17Тон путыть моданть весе пензэ,
   Тон теить кизэ ды теле.

18Азоро, ледстик эно,
   душманось згили-ракси Тонь лангсо,
   ды пелязкадозь ломантне покордыть Тонь лементь.
19Иляк максо Тонь гулькиненть оймензэ идем ракшатненень.
   Тонь кажовтнень эрямодост зярдояк иля стувтне.
20Кирдик мельсэть Тонь вейсэньлувонть!
   Модань весе чопода таркатне пешкедсть нарьгамонь кудосо.
21Илязо туе лепштязесь Тонь кедьстэ кавтолдозь-визделгавтозь!
   Кадык кажовтне ды майсицятне шныть Тонь леметь!
22Стяк, Пазом, идик Эсь теветь!
   Иля стувтне, превстэ лисезтне покордыть Тонь эрьва чи!
23Иляк стувто Тонь душмантнэнь пижнеманть,
   Тонь каршо аштицятнень шалтост апак лотксе кепсети.

Шнамо

 Глава 73