Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 71

Ознома инязоронть кисэ

Соломондо. Давидэнь псалмась.

1Пазом! Тонавтык инязоронть судямо истя,
   кода Тонсь судят,
   ды казик инязоронь цёрантень Эсь видечить.
2Кадык суди сон видестэ Тонь ломантнень
   ды видечинь коряс Тонь кажовтнень.
3Кадык пандотне кандыть ломантненень сэтьмелув
   ды губорькстнэ – видечи.
4Кадык сон суди видестэ раськень кажовтнень,
   кадык лезды пайстомотненень-арасьчисэтненень,
   ды кадык чалгсесынзе лепштицятнень.
5Сестэ кармить Тондеть пелеме буестэ буес,
   зярс кармить аштеме чипаесь ды ковось.

6Улезэ инязорось, кода пиземе,
   кона пры ледезь луганар лангс,
   кода пиземень ковол, кона валны моданть.
7Сонзэ читнестэ видечинь ломанесь изни эрьва косо,
   ды карми улеме певтеме сэтьмечи,
   зярс а ёми ковось.
8Сонзэ инязорксчинзэ ало аштиця масторось
   таргави иневедьстэ иневедьс
   ды Евфрат леенть эйстэ моданть пес.
9Чаво модань эрицятне прыть икелензэ кумажа лангс,
   ды сонзэ душмантнэ кармить нолсеме модапуленть.
10Фарсисэнь ды усиятнень инязортнэ кандыть сонензэ каявкс,
   Аравиянь*а ды Савань инязортнэ максыть казнеть.
11Весе инязортнэ сюконить сонензэ,
   весе раськетне важодить тензэ.

12Сон менстясы кажовонть, кона веши лезкс,
   ды лепштязенть, конань арась лездыцязо.
13Сон путы седеймарямо лавшотненень ды пайстомотненень
   ды идесынзе арасьчисэтнень.
14Сон менстясынзе сынст лепштямодо ды нарьгамодо,
   ды сынст эрямост карми улеме питнейде питней сонзэ сельмензэ икеле.

15Шумбра улезэ инязорось,
   ды кадык кандыть тензэ Аравиянь сырненть!
   Кадык озныть сонзэ кисэ апак лотксе,
   вешить тензэ эрьва чистэ Пазонь чанстямо.
16Моданть лангсо карми чачомо виев сюро,
   пандотнень лангаяк сон карми касомо.
   Сюро прятне кармить лымбакстнеме,
   кода виресь Ливан пандонть лангсо,
   ды оштнесэ ламолгадыть ломантне,
   кода тикшесь модалангсо.
17Инязоронть лемезэ ули [шназь] пингеде пингес.
   Сонзэ лемезэ карми шнавомо, зярс валдомты чипаесь.△
   [Весе модалангонь буетне] чанстявить сонзэ кувалт,
   весе раськетне ловсызь сонзэ уцяскавокс.

* * * * *

18Шназь улезэ Азоро Пазось, Израилень Пазось!
   Ансяк Сон дивань теиця!
19Шназь улезэ Сонзэ ине лемесь пингеде пингес!
   Кадык пештясы Сонзэ инексчись весе моданть.
   Аминь. Аминь.

20Тесэ прядовить Давидэнь, Иессеень цёранть, озноманзо.△

Шнамо

*а 71:10 Аравия – евреень кельсэ те Шева

 Глава 71