Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 57
Пазось пандсынзе зыяновтнень чумост
1Моравтомань ветицянтень. «Иля маштне» морамолувонть коряс Давидэнь морозо.
2Арази тынь, ветицятне-судиятне,
видечинть кисэ мелявттадо?
Арази тынь видестэ судятадо?
3Аволь, эдь нулгодькс тевть кирдтядо седейсэнк,
модалангсо ацатадо ки зыянов тевтнень туртов,
конатнень кодызь-понызь тынк кеденк.
4Зыяновтне чачомстост уш потасть килангсто,
аваст потсто прамсто ёмавтызь ёнксонть ды манчить.
5Сынст ядост – кода гуень яд,
кода амариця гуень, кона потомдынзе пилензэ
6ды а мари кармавтыцянзо вайгеленть,
кода сон аволь кармавтне сонзэ.
7Пазом! Синдтрить пеест сынст кургосто,
тапить, Азоро, неть левтнень пейсаласкест!
8Кадык сынь ёмить, кода чудиця ведь.
Зярдо кармить леднеме налчирькесэст,
улест синдтрезь сынст налост.
9Кадык сынь кулыть-ёмить,
кода коськи наволо суксось.
Иляст нее чи,
кода а неи сонзэ шкадо икеле каявт эйдесь.
10А кенерить тынк соргавксонк*а марямо
салмуксов куракшонь*б паломань псинть,
кода виев даволось саласынзе од тарадтнэньгак, палозтненьгак.
11Видечисэсь кенярдозеви,
зярдо несы чумонь пандоманть,
шлясынзе пильгензэ зыяновонть верьсэ.
12Сестэ ломантне мерить:
«Алкукскак, видечисэнтень пандови паро питне!
Ули Паз, кона модалангсо видестэ суди!»
Шнамо
*а 57:10 соргавкс – котёл
*б 57:10 салмуксов куракш – терн
Глава 57
