Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 56
Стака шкасто Пазонть инелгавтнемась
1Моравтомань ветицянтень. ”Иля маштне” морамолувонть коряс Давидэнь морозо, зярдо сон оргодсь Саулонь эйстэ кевпотмарс.*а
2Пазом, ульть седеймарицякс монень,
ульть седеймарицякс,
эдь Тонь лангс кеми-нежеди монь оймем,
ды Тонь сёлмонь сулейтнень алов мон кекшан,
зярс кажотне а ютыть вакскан.
3Тердьса Пазонть, Верепазонть,
кона свал топавтнесынзе
Эсь паро мелензэ-арсеманзо монь коряс.
4Сон кучи менельстэ лезкс ды идесамам монь,
покордасынзе монь чалгсицятнень.
Пазось кучсы Эсь седеймарямонзо ды видечинзэ.
5Mонь оймем левтнень ютксо,
мон празь аштян толсо лексицятнень ютксо,
ломантнень ютксо,
конатнень пеест – сялгот ды налт,
ды конатнень келест – пшти торот.
6Пазом, ульть кепедезь менельде сэрейстэ,
ды весе моданть лангсояк неявозо Тонь инексчить!
7Анокстасть терть монь пильгетненень.
Mонь оймем рипакадсь.
Чувсть монь икеле латко –
ансяк сынсь тов прасть.
8Пазом, монь седеем анок,
монь седеем анок.
Карман морамо ды шнамо.
9Сыргозть, монь оймем,
сыргозеде, лирась ды арфась!
Мон сыргозтьса валскень зорянть.
10Азоро, карман Тонь шнамо раськетнень ютксо,
карман Тонь инелгавтнеме буетнень ютксо.
11Эдь Тонь покш седеймарямось пачкоди менельс,
Тонь видечись – пельтнес.
12Пазом, ульть кепедезь менельде сэрейстэ
ды весе моданть лангсояк неявозо Тонь инексчить!
*а 56:1 Вант: 1.Иняз.24
Глава 56
