Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 139
Азоро, идемак лепштицятнеде!
1Моравтомань ветицянтень. Давидэнь псалмась.
2Менстемак монь, Азоро, зыянов ломанде,
ванстомак монь лепштицядо!
3Сынь арсить эсь седейсэст берянь,
эрьва чистэ кирвазтить тюремат-сёвномат.
4Келест пштить, теке гуень,
кургосост тумогуень яд.
5Ванстомак монь, Азоро, зыяновтнень кедтнеде,
идемак лепштицятнеде,
конат арсить правтомс монь пильге лангсто.
6Каштантнэ анокстасть монь туртов
пистенть ды килькшт,
ацасть алтыма ким трокс,
путсть кундамкат монь туртов.
7Мон меринь Азоронтень:
Тон монь Пазом.
Азоро, марик монь энялдома вайгелем!
8Азоро, Азоро, виев идицям!
Тон ванстык прям тюремань чистэ.
9Азоро, иляк максо зыяновтненень сень,
мезес сынь бажить.
Иля мере топавтовомс сынст зыянов арсематненень –
сынь кармить каштангалеме.
10Кадык монь перька аштицятнень
кенгелемаст велявтыть эсест лангс.
11Праст лангозост палыця уголият.
Улест сынь ёртозь толс, отьмас,
косто тенст зярдояк а стявомс.
12Манчиця-сёвныця ломанесь
илязо муе эстензэ тарка моданть лангсо.
Кадык кежесь пани лепштицянть куломас.
13Мон содан: Азорось ашти лепштязтнень кисэ судямо тевсэ
ды невти арасьчисэтненень Эсь видечинть.
14Истя! Видечисэтне кармить шнамо Тонь леметь,
виде седейтне кармить эрямо Тонь чачот икеле.
Шнамо
Глава 139
