Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 100
Инязоронть алтамонзо
Давидэнь псалмась.
1Азоро, седеймарямонть ды виде судонть карман моравтомо,
Тонеть карман ладсеме эсь морон.
2Бажан молеме виде киява. Зярдо Тон сат монень?
Мон карман эрямо ванькс седейсэ эсень кудосо.
3Сельмесэнь а карман ваномо нулгодьксэнть лангс.
Зыянов тевень теицятнень пек а вечксынь,
малазонгак а нолдасынь.
4Визькстэменть паньса эсень эйстэ,
зыянонть марто монь мезеяк вейсэнь а ули.
5Малавиксэнзэ лангс салава кенгелицянть паньса.
Каштан сельменть ды покшкавтниця седеенть а цидярдсынь.
6Мон каясынь сельмень кемевикстнэнь лангс –
кадык сынь улить монь перька.
Кие яки виде киланга,
се карми монень важодеме.
7Салава сускицясь а карми эрямо монь кудосо,
манчицясь а цидярды сельмень икеле.
8Эрьва валске карман маштнеме модалангсто весе зыяновтнень.
Кадык ёмить Азоронть ошсто весе авидечинь теицятне.
Шнамо
Глава 100
