Choose Language
Choose Old Testament Story
Choose New Testament Story
Аквнакт То̄рум такви луситан хуме̄н, Иона-хуме̄н, тарвитыӈ ва̄рмаль ва̄руӈкве ла̄выс: "Яныг Ниневия ӯснминэн, тот олнэ ма̄хмытн ла̄ве̄н, Ам тан люль ва̄рнэ наканыл урыл хулсум. Ос ты кареканыл урыл ам ляльтум ат-кепоиксегыт, то̄нт тан пуссын порсэгыт". Иона То̄румн атхунтлыс. Тав ояс ос мо̄т ерн миннэ караплин унтыс. То̄румся̄рысь нупыл сака яныг пилисьмаӈ вот кетыс, карапль алтысаквалас. Ся̄рысьт ялнэ хумыт такем рохтысыт, танки то̄рманыл поиксяӈкве патсыт, вос тан ся̄рысь вотас поилттэгыт. Иона ёлн хуяс. Капитан Иона сайкатастэ: "Хумус наӈхуюӈкве вермегын? Квалэ̄н ос наӈки То̄румн поиксен. ЭрыӈТав манавн нёты!" Иона ла̄выс: "Анум вуелын ос ся̄рысьнвуськасэлын, ся̄рысь вотас тах пойты. Ам ваглум, ты амма̄гыслум яныг воты". Иона ся̄рысьн тах вуськасавес осся̄рысь тара ротты̄г е̄мтыс.
Иона тэнэ ма̄гыс То̄рум яныг хул кетыс. Хурум хо̄тал осхурум э̄т Иона хул соргет о̄лыс. Тав То̄румн поиксяс. ТувылТо̄рум хулын ла̄выс, Иона, тосам ма̄н, кон-салямаӈкве.
Ань То̄рум Ионан китынтыг ла̄выс: "Яныг Ниневия ӯснминэн ос тот олнэ ма̄хмытн Ам ла̄вум ла̄тӈум тотэн". АньИона хунтлыс ос Ниневия ӯсн минас. Тув ёхтыс ос усхулытла̄вуӈкве патыс: "Налыман (40) хо̄тал юи-палт Ниневия успорсы". Хунь Ниневия хо̄н ты урыл хулыс, тав ма̄хманэнпоститахтуӈкве ос кареканыл урыл такысь То̄румн поиксяӈкве ла̄выс. Ӯст олнэ ма̄хум То̄румн агтсыт ос таитн агтсыт, маныр тананылн Иона — То̄рум ла̄тыӈ тотнэ хум — ла̄выс. Ниневият олнэ ма̄хум люль наканыл хульсаныл. ТувылТо̄рум тан поиксян ла̄тӈаныл хулыс ос тан кареканыл хотёрувласанэ.
Иона 1-4
54 
