Choose Language
Old Testament Books
New Testament Books
view with a second Bible
1 Ань Ӣсус ханисьтан хумиянэ нупыл лāвыс: ”Э̄лумхōлас карекн патнэтэ мāгыс матыр аквсирыл ēмты. Топ ань та хōтпан сāватпи ēмты, хōӈха паттат тох ōлыглāлы.2 Тāвēн ёмаснув ōлнув, колас сакватан ахвтаскāт сыплувēн нэ̄гым, таве ся̄рысьн лыве тах. Тав хотты сёмтāл хōтпа ке карек вāруӈкве хуйтытэ.
3 Тох ань ӯрхатым ōлэ̄н. Ягпыгын ке карек вāри, ля̄льт лāвēлын, винавотныл ке ё̄ӈхи ос лāви: ‘Ам наӈ э̄лы-пāлынт кант вāрсум’ – кантэ тāратэ̄лын.4 Акв хōтал сыс сāт сё̄с наӈ э̄лы-пāлынт кант вāри ос сāт сё̄с лāви: Ам наӈ э̄лы-пāлынт кант вāрсум – кантэ тāратэ̄лын”.
5 Апостолыт Кӯсяйн лāвсыт: ”Мāнавн сāвнув агтыл маен!”
6 Кӯсяй лāвыс: ”Нāн агтылын куртница колассам янытыг ōлнув ке, тōнт нāн ты я̄рмак йивн лāвнувы̄н: ‘Тāранын мāныл хот-маныгтэ̄н ос ся̄расьн ӯнттэ̄н’. Тав нāнан хӯнтлыянэ тах.
7 Хōӈха нāн халынт мā сакватан ос паля ӯрнэ мēтхум ōньси. Тэ̄пканныл ёхтынэ̄тэ юи-пāлт наӈ ман тавēн лāвēгын: ‘Молях юв-сялтэн ос пасан вāтан ӯнтэн?’8 Наӈ сартын ул лāвēгын: ‘Анумн тэ̄нут сё̄питэн, тувыл маснутанын пēнтэ̄н ос ам тэ̄нем – айнэм сыс āнумн лусытэн, ётыл ос наӈти тэӈкве-аюӈкве вēрмēгын?’9 Наӈ лāвмын сирыл вāрнэтэ мāгыс мēтхумин пӯмасипал лāвыглы̄лын?10 Нāн ōс аквтох, лāвим тэ̄лат пуссын вāрнэ̄н юи-пāлт усь лāвēн: ‘Мāн нэ̄матырсыр пӯмасипа лāтыӈн ат хōйхатнэ мēтхумит, мāн туп лāвим тэ̄лат вāрсанув’”.
11 Иерусалимн миныматэ Ӣсус Сāмария ос Галилēя мāпасэ̄н холыт яласас.12 Ань акв пāвылн ёхтумēт тавēн ля̄льт проказал пувим лов хōтпа ёхты̄сыт. Э̄лнув лю̄лиманыл тāн тāкысь13 лāвсыт: ”Ӣсус, Ханисьтан хум, мāнав сāлитэ̄лын!”14 Тāнаныл кāсаламēт, Тав лāвыс: ”Йиēн ос пӯп-ōйкатн суссылтахтэ̄н”. Йинэ̄ныл сыс тāн нюлмиянылныл хот-сыстамтахтасыт.15 Акв хōтпа пусмуме кāсаламēт, Ӣсус палт ювле-ё̄ӈхыс ос тāкысь лāвим Тōрум э̄сгыстэ.16 Ӣсус лāглаге тытн ёл-патым тав пӯмасипаӈ лāтыӈ Тавēн лāвыс. Ты хōтпа Самария мāныл ōлыс.17 Ӣсус таве китыгластэ: ”Аман лов хōтпа ат сыстамтахтасыт нюлмиянылныл? Мōт онтолов хōтпат хōт ōлэ̄гыт?”18 Тōрумн пӯмасипа лāтыӈ лāвуӈкве ман нэ̄мхотъютаныл ат йис-а, ты мōт мир хōтпа коны-пāл.19 Ос ты хōтпан Тав лāвыс: ”Нōх-лю̄лен ос минэ̄н. Наӈ наӈти агтылы̄н вēстувēсын”.
20 Аквнакыт, хунь фарисейт Ӣсус китыгласаныл, Торум йильпи нот ӯнтнэтэ хунь ёхты, Ӣсус ювле-лāвыс: ”Тōрум йильпи нот юв, топ самыл сунсым тав ат ёхты.21 Нэ̄мхотъют тах ат вēрми лāвуӈкве: ‘Тōрум йильпи нот тыт манос тот ōлы’ – топ ты акв урыл ваēн – Тōрум йильпи нот нāн кӣврынт ōлы”.
22 Ос ань Ӣсус ханисьтан хумиянэ̄н лāвыс: ”Тамле хōталыт ёхтэ̄гыт тах, хунь ань Э̄лумхōлас Пы̄г ёхтынэтэ̄ порат нāн акв тамле хōтал тахмаēгы̄н сунсуӈкве, топ тах ат сунсэ̄гы̄н.23 Мāхум тах нāнан патэ̄гыт лāвуӈкве: ‘Тав тыт ōлы’, ‘Тав тот ōл’. Воссыг тув ул минэ̄н ос тāн юи-пāланылт ул хāйтыгтэ̄н.
24 Хумус ань сяхыл ня̄л сāлая̄лы акв тōрум ēр пāлныл мōт тōрум ēр пāл мус, аквтох Э̄лумхōлас Пы̄г ёхтуме порат тах посты̄глāлы.25 Топ ты э̄лы-пāлыт тав ты мир мāхумн сысы ня̄влаве ос Тавēн янгыгсь савалаӈкве э̄ри.
26 Э̄лумхōлас Пы̄г ёхтынэ̄тэ порат тах аквтахольт ēмты хумус ань Ной ōлум порат ōлыглас.27 Мир пуссын тэ̄сыт-айсыт, акван-миныглāлсыт та хōтал мус, хунь ань мā янытэ̄т витн амаравес ос Ной яныг кāраплин тāлыс ос тāн пуссын порславēсыт.28 Лот ōлум порат хумус ōлыс, аквтох ēмты тах: мир пуссын тэ̄сыт-айсыт, ёвтхатасыт, тыналахтасыт, матыр-āти ӯнттысыт, кол унтысыт.29 Топ ань Лот Содомныл кон-квāлме хōтал тōрумныл нāиӈ-оӈхыӈ ракв раквалтахтыс ос тāн пуссын порславēсыт.
30 Ōс тах аквтахольт ēмты, хунь ань Э̄лумхōлас Пы̄г ёхты.31 Та хōталыт тах хотты хōтпа кол алатэ̄т ке ēмты, пормасанэ атнэ мāгыс ёл ул вос вāглы. Тэ̄пканыт ōлнэ хōтпат коланы̄лн ювле ул вос ё̄ӈхēгыт.32 Лот нэ̄тэ урыл номылматэ̄н.33 Лылытэ ӯргалан хōтпа, лылытэ тыпылтытэ, лылытэ тыпылтан хōтпа, лылытэ нōх-ялтытэ.34 Нāнан лāвēгум, та э̄т колнакыт кит хōтпа ке хуēг, акватэ виве тах, мōтанэ хультуптаве.35 Кит нэ аквъёт ня̄ньпум сакватыматэ̄г, акватэ виве тах, мōтанэ хультуптаве.36 Кит хум тэ̄пканыт ōлэ̄г, акватэ виве тах, мōтанэ хультуптаве”.37 Ханисьтан хумиянэ Ӣсус китыгласаныл: ”Кӯсяй: хōт тыи ēмты?” Тав ювле-лāвыс: ”Хōла хуйнэ мāн хулахыт акваг атхатэ̄гыт”.
Глава 17
