Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОСИФОНЬ ОНОНЗА
«Иосиф няйсь он и азондозе альняканзонды, сят тяда меле сельмосостка лоткасть няемдонза.
Иосиф мярьгсь тейст: "Кулхцондость няйф онозень.
Вов минь пакся кучкаса сотнетяма пулфт. Ванан, монь пулфозе кеподсь и стясь виденяста; ина тинь пулфонте арсесть перьфканза и сюконясть моннети".
Альняканза мярьгсть тейнза: "Кали оцязорондама кармат лангсонк? Кали кядялот пофтама?" Сядонга аердавсть эздонза ононзон и валонзон инкса.
Иосиф няйсь нинге фкя он, сяньге азондозе альняканзонды: "Тага он няень: ванан, шись, ковсь и кефкие тяшттне сюконякшнихть тейне".
Алянцтывок, альняканзондывок азондозе; тянкса аляц сюцезе, мярьгсь: "Мезень он няеть? Кали монга, тядяцевок, альнякатнедугаттневок сатама тейть сюконякшнема мода видес?"
Альняканза машнесть лангозонза; ина аляц путозень пряс ня валонзон».
Весть, мзярда Иосифонь альняканза кудть эзда ичкозе ванцть ракшат, Яков кучезе сонь варжамост, куляксамс шумбрашиснон и пачфтемс тянь тейнза. Иосиф кенярдезь тусь кис.
Ламос сон якась-шяясь паксява, мзярс ашезень му альняканзон. Сят няезь сонь, кяжда азозь фкя-фкянди: «Нява сай ононь няись... Аряда тяникиге шавсаськ сонь и ёрдасаськ кодамовок эшис, мярьктяма вирьбаксянь ракша сивозе. Вов и ванцаськ, мезе лиси ононзон эзда».
ШАЧЕМА 37:5-20
62 
