Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЯКОВ СЯВСЫ АЛЯНЦ БСЛАВАМАНЦ
Сиредембяльхть Исааконь лафчемсь сельмовиец. Куломдонза инголе сонь мялецоль бславамс васенценянц Исавонь. Исаак серьгядезе сонь и кошардозе анокламс вирьбаксянь ракшаста кельгома ярхцамбяленц. Исаак макссь вал тяда меле бславамс цёранц.
Ревекка, тянь кулезь, тердезе Яковонь, семботь азондозе тейнза. Авась пяк ёрась, аляц бславалезе Яковонь. Сяс сон арьсесь васькафтомс Исааконь. Ся ёткть, мзярда Исав тусь паксяв ракшань кундама, Ревекка кантфтсь Яковонь кядьста кафта сява вероскат и аноклась эздост Исааконь кельгома ярхцамбяленц. Сяльде сон сявозе Исавонь инь цебярь щамонц и щафтозе Яковонь лангс. Исавонь ронгоц пяк понаволь, сяс тядяц ашкодозень Яковонь крганц и кядензон сява вероскянь кедьса, кальдявста няи аляц тязаза варжа кядьёжеса, кие инголенза.
Яков сявозе аноклаф ярхцамбяльть, сувась алянцты, мярьгсь тейнза симомда-ярхцамда. Аляц пшкядсь: «Сак маланяв, кядьса варжате, цёрай, тон Исав цёразят али аф?»
Яков маладсь. Исаак ётафтозень ланганза кядензон, мярьгсь: «Вайгяльсь, вайгяльсь Яковонь, ина кяттне, кяттне Исавонь». Аляц ашезе сода сонь, сяс мес сява вероскянь кедьса ашкотф Яковонь кяденза ульсть седибяльксонц кядензон лацот. Тяда меле аляц сявозе ярхцамбяльть и ярхцамда меле азозень васенце цёрати лемтьф бславамань валхнень.
Тяфта васькафнезь Яков сявозе Исавонди лемтьф бславамать. Тянкса Исав пяк аердавсь седибяльксонц эзда, ёразе шавомс сонь.
ШАЧЕМА 27:1-41
50 
