Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОАННОНЬ ПАНЖЕМВАЛОНЗА
Модась, конань лангса эрятама, аф кармай улема пефтома пинге. Библиять лама вастова луфтама тянь квалма ингольпяли азомань валхт, сембода лама эздост "Иоаннонь Панжемвалсонза", лиякс мярьгомс, Библиять мекольце книгасонза.
Иоанн ульсь Исус Кристосонь кемгафтува апостолонзон ёткста фкясь, и эздост сембода оттнень ёткста фкясь. Васень кристиаттнень азксснон коряс, сембе апостолхне, Иоаннда башка, кулость муцендамань куломаса. Иоаннга няйсь лама аф няема Исусонь инкса. Грециянь Патмос усияса, коза сон паньфоль, тейнза эвондась Азорсь и мярьгсь: «...Мон Альфан и Омеган, васенцесь и мекольцесь; сянь, мезе няят, сёрматк книгас и кучк озкскуротненди...» (Панж. 1:10-11).
Тя книгаса ингольпяли азоматне и мекольце шинь тефне няфтьфть валтяшксса, кепотьксонди: сёрмат сисем озкскуротненди, кемокстамань сисем тяшкст, ниле ластят, сисем турамат, Шкаень кяжть сисем кеченза, Армагеддон, эряфть книгац, шяйтан ракшать лувксоц 666, Вавилонць – инь оцю усксевись, сисем пряса и кемонь сюроса ракша, кемонь оцязорхт, тёжянь кизонь мастор, Од Ерусалим... питни кефт, эряфонь шуфта...
Иоаннонь панжемвалонза кирдихть эсьсост крхкаста кяшф мяльхть. Аньцек фкясь сембонди шарьхкотьф: Исус Кристос Азорсь тага сай модать лангс. Сон кармай судендамонза масторлангть. Сонь учендозь васень кристиаттне, учендсаськ миньге.
Лувсаськ сисем озкскуротненди сёрматнень эзда фкять. Ня сисем озкскуротне ульсть ся пингть, мзярда Иоанн сёрмадозень эсь "Панжемвалонзон", но сёрматне панчсесазь кристианонь озкскуротнень и кемайхнень сай пингонь эряфснонга-ащефснонга.
508 
