Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ОД КРИСТИАНЦЬ ТИМОФЕЙ
Шкай валонь кандома омбоцеда молемстонза Листраса Павел васьфтезе од цёрать – Тимофеень. Тимофей арась Павел апостолти ки лангонь ялгакс, ульсь мархтонза Македонияса, Грецияса, Ёмла Азияса и нльне Римса. Кунардонь азкснень коряс, Тимофей арась Эфесонь озкскуроти вятикс, мзярда Павел шавфоль Римса. Сонць Тимофей куломс муцяфоль кати Нерон, кати Домициан оцязорхнень пингста.
Павел апостолсь сёрмадсь Тимофеенди кафта сёрмат. Тяса афи лятфтавихть ня сёрматнень сембе крхка мяльсна. Вов эздостмзярошка. Тимофеенди Васенце Сёрмаста:
Сембе ломаттнень инкса озондомась: «Тяфта васендакиге эняльдян най озондомс, серьгядемс Шкайти, эняльдемс и азомс сюкпря сембе ломаттнень, оцязорхнень и сембе оцюнятнень инкса, улель тейнек кода эрямс сетьмошиса, пара койса и арушиса. Тя пара и тушенды Шкайть, Идиеньконь, мяльс». Тянь Павел сёрмадозе Нерон оцязорть пингста, кона пяк панцезень кристиаттнень.
Кяльготниень тонафтоматне: «Ваймопожфсь видеста корхтай, мекольдень пинкнень конат-конат аердыхть кемамать эзда, кулхцондсазь кяльготни ваймопожфнень и кяжи ваймопожфонь тонафтомать».
Козяшись: «Сембе зияттнень юрсна – ярмаконь кельгомась. Тянди прянь максозь, ламотне шарфтсть кемамать эзда, синь синць эцезь пряснон ламоц ризфненди. Тон ина, Шкаень ломань, ворьготькшнек тянь эзда! Эряскотт тиемс сянь, мезе тушенды Шкайть мяльс, эряк видешиса, кемамаса, кельгомаса, кирдемшкаса, сятявшиса».
Кристосонь тевса цебярь покоди: «Ёньфтома шотнамада аертт, тонафтк эсь пряцень эряма Шкайть мяленц коряс... Ульхть кемайхненди кепотьксокс валса, эряфса, кельгомаса, ваймопожфса, кемамаса, арушиса... лувонтт, тонафтт, тонафнек...»
Лувондови, Павел сёрмадозе Тимофеенди Омбоце Сёрмать пякстамкудста, куломань учезь, Нерон оцязорть пингста. Сон сёрмады: «Мон лац тюрень, ётайне кизень и ванфтыне кемамазень. Тяни аноклави тейне видешинь коняфкс, конань макссы мондейне Азорсь, виде Судиясь, ладяф шиня. И максы коняфкс аф аньцек тейне, а сембонди, кинди кельговсь сонь самац».
ТИМОФЕЕНДИ 1-ЦЕ И 2-ЦЕ СЁРМАТНЕ
504 
