Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ШАМОРТЬ ПЧКАФТОМАЦ
Весть Пята и Иоанн озкс пингста марса мольсть шкайкуду. Тя ёткть шкайкудонь Мазыкс лемневи ортать видес кандсть шамор ломань. Сонь эрь шиня озафнезь сей анцема ётайхнень-потайхнень кядьста. Шаморсь няезень Пятань и Иоаннонь шкайкуду сувамста и анась кядьстост.
Пята и Иоанн кирдезь лангсонза ванфснон, мярьгсть тейнза: «Варжакстт лангозонк». Анцинясь оржаста варжакстсь лангозост, учсь – мезевок максыхть. Эста Пята мярьгсь тейнза: «Сиязе, зрнязе аш; ина мезезе ули, сянь максса: Назаретонь Исус Кристосонь лемса стяк и якак!» Сявозе шаморть види кядьта и кеподезе, апак учентт сянь пильге полданза и плманжанза кемокстасть, норхцадезь стясь вастстонза и ушедсь якама. Комотнезь и Шкаень шназь сон сувась апостолхнень мархта шкайкуду. Тоса ащи ломаттне содазь, тя вчёк Мазы ортатнень ваксста анцинясь. Мзярда няезь, кода якамбачк сон шнасы Шкайть, сембе эводсть и ашесть кема эсь сельмоснонды, мезе сянь мархта лиссь. Пчкафтф шаморсь ашезь аеркшне Пятань и Иоаннонь эзда, сяс сембе ломаттневок пуромсть перьфкаст шкайкудть латалс. Эста Пята мярьгсь ломаттненди:
«Израилень алят! Мес дивандатада, мес ваттада, арьсетяда, минь эсь вийсонк али паракойсонк тиеськ сонь якайкс?... Шкайсь тиезе тянь. Минь аляньконь Шкайсна кеподезе Исус Цёранц... Исусонь лемоц кемокстазе тя шамор алять, сяс мес сон кемась тя лемть виенцты. И тя кемамась, конань казезе тейнза Исус, пчкафтозе сонь тинь сельминголент.
Мон содаса, седибялькст, тинцьке, оцюнянтевок максость куломас Шкайть Цёранц апак содак. Но Шкайсь пяшкодезе семботь, мезе инголькиге азондсь шкаймаряензон вельде Кристосонь муцендаманзон квалма. Сяс каендада и шарфтода Шкайти эсь пежетентень нолдаманкса... Шкайсь вельмофтезе эсь Цёранц Исусонь, тейнть васенцекс кучезе бславамонт – кяжи тефнень эзда аерфтомонт».
ТЕФНЕ 3:1-26
448 
