Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС ШИСА!
Мзярда аватне мольсть тонафнихненди Исусонь вельмаманц колга кулять пачфтема, Исус васьфтезень синь ки лангса, мярьгсь: "Шумбратада!" Аватне няемстонза кенярдсть, маладсть и сюконясть тейнза. Эста Исус мярьгсь: «Тяда пеле! Арда, пачфтеда латта седибяльксоненди*а...»
Аватне састь кефкие тонафнихненди, азозь, кле, няеськ вельмаф Исусонь. Аньцек пичефксу тонафнихненди синь валсна марявсть шава шотнамакс, афи кемасть тейст.
Сембе сяка, Исусонь вельмаманц колга кулять марямста, Пята и Иоанн тусть ласькозь калмоти. Синь пяк мяльсноль кемамс кульфти и эсь сельмосост няемс тянь. Седисост палозь палсь тонафтыснонды кельгомась. Аньцек синь пяк матразень и абонфтозень ся, мезе лиссь тяда инголе. Синь арьсесть, Кристос арай оцю масторонь оцязоркс тя эряфса, и ашезь шарьхкотькшне Исусонь валонзон Шкаень ся Оцязорксшить колга, конань путома сась ломаттнень седис. Синь ашезь шарьхкоде Исусонь, мзярда сон мярьгсь: «Шкаень Оцязорксшись потмосонт».
Иоанн ласьксь сяда вишкста Пятань коряс и васенцекс пачкодсь пандапотмарти, коса калмафоль Исус. Комась и варжакстсь потму, няезень котфнень, сувамс ашезь сува, учезе Пятань.
Мельганза ласьксь Пятавок, сувась калму, няезе аньцек котфть, конаса ашкотфоль Исусонь ловажац, башка ащесь нулась, конаса ашкотфоль Исусонь пряц. Эста Иоаннга сувась калму, сонга няезень шава калмоса котфнень, кемазевсь Азорть афкуксонь вельмаманцты. Синь нинге ашезь сода Сёрматфста: Исусонди вельмамаль кулофста.
МАТВ. 28:8-10; ЛУКА 24:9-11; ИОАНН 20:3-9
*а Лиякс, тонафнихненди.
430 
