Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
СОДОМ И ГОМОРРА ОШНЕНЬ ЮМАМАСНА
Содомонь эряйхне аердазь Шкайть эсь туткоткс пежетьснон мархта. Шкайсь пачфтезе Авраамонди: Содомсь ули машфтф. Авраам озондсь пежетьта пяшксе тя ошть инкса, и Азорсь макссь вал тейнза, кле, аф машфтсы ошть – мундяряви эсонза видешиса эряй хуш кемонь ломатть. Аньцек тяфтапташесть мув.
Содомса эрясь Лот видешистонь алясь эсь рьванц и кафта стирензон мархта. Шкайсь кучсь тя ошу ломанень шамаликса кафта ангелхт. Тя ульсь илять. Инжиень кельги Лот васьфтезень синь эсь кудсонза, афи содазень, кит синь афкукс.
«Нинге ашесть кенере мадомс, кода содомэряйхне, оцюнекёмланек, ошть сембе пестонза, шарозь кудонц. Серьгядезь Лотонь, мярьгсть тейнза: "Косот ся ломаттне, конат лядсть пялот ве лангс? Лихтить миндейнек; наругасаськ». Лот лиссь тейст и пякстазе эсь мельганза кенкшть. Сон мярьгсь: «Альнякат-дугатт, тяда тие кальдяв... ня ломаттненди тяда тие мезевок, синь састь монь кудозон». Аньцек содомэряйхне мярьгсть: «Вов ширде саф, и ёрай нинге минь тонафтомс? Тяни тонцень мархтот сядонга кальдявста тихтяма сятнень коряс!» Эста ся алятне (ангелхне) келептезь кядьснон и сувафтозь Лотонь куду, кенкшть пякстазь. А ломаттнень, конат ульсть кенкшть видеса, сокоргофтозь, оцюнек-ёмланек... Ся алятне мярьгсть Лотонди: «... Минь машфтсаськ тя вастть; сяс мес пяк оцю пеняцяма моли тястонь эряйхнень лангс Шкайти...» Сявозь кядьта сонь, рьванцка, кафцьке стирензонга, лихтезь ошста... фкясь эздост мярьгсь: «Тят варжаксне фталу, ...эряскотт прянь идема панда пряв, афолеть шавов».
«Мзярда шись кеподсь, Лот сась Сигору. И Азорсь пяярдсь Содомть и Гоморрать лангс палыкандоронь и толонь пизем Азорть эзда менельста. Плхтазень ня ошнень, перьфснонга, эряйснонга, модань касыксненьге. Лотонь рьвац варжакстсь фталу и тиевсь сон салонь палманькс*а».
ШАЧЕМА 19; ОМБОЦЕ К. 29:23
*а Палмань – столба.
42 
