Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУСОНЬ СЯВОМАЦ
Колмоксть Исус нажятькшнесь тонафниензонды и эрь мезне сатнезень синь удозь. Колмоцеда самстонза мярьгсь тейст: «Тинь стаки удотада-ваймосетяда? Вов, маладсь пингсь, и Ломанень Цёрась миви-максови пежетюфнень кядьс. Стяда, аряда: вов, маладсь монь миизе». Тя ёткть апак учт тихтедсь Иуда – кемгафтува тонафниензон эзда фкясь. Тяда инголе сон макссь вал озксонь прявятихненди мимс Исусонь колмогемонь сиянь ярмакта.
Иудань мархта сась лама ушман, и фарисейхнень и озксонь прявятихнень ломаньцна, кядьсост толвалдоптомат, торхт и пяльхть. Иуда аноконди макссь тейст содамс, азозе: «Кинь паласа, ся сон, сявость». Нажядсь Исусонди, мярьгсь: «Шумбрат, Тонафты!» – и палазе сонь. Исус корхтай тейнза: «Ялгай, местеме сать?... Кали паламасот мисак Ломанень Цёрать?» Сяльде Исус пшкядсь Иуда мархта саф ушматтненди, кизефтезень: «Кинь вешенттяда?» Сят каршезонза: «Назаретонь Исусть». Азорсь мярьгсь тейст: «Тя мон». Тянь кулемста синь потазевсть и прастькомада.
Меле Исус мярьгсь тейст: «Кали мон нельгиян-шавиян, саде сявомон торса и пяльса. Эрь шиня озадолень мархтонт шкайкудса тонафтомстонт, и тинь ашемасть сявонде... аньцек тяни тинне пингсь и шобдашить кядьса вийсь... Пяшкодевост шкаймаряйхнень сёрматфсна».
Ушматтне сявозь Исус Кристосонь, вятезь озксвятиень оцюнять кудс. Тонафниенза кадозь сонь, ворьгодсть.
МАТВ. 26:45-57; ЛУКА 22:45-53; ИОАНН 18:1-12
416 
