Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВИНОГРАД КАСФТЫЕНЬ КОЛГА ВАЛВЕЛЯФКС
Весть Исус азондсь озксонь прявятихненди и фарисейхненди валвеляфкс, конаса няфнезе, мезе арьсихть сят сонь колганза.
«Эрясь фкя кудазор, озафнесь виноград пере, перязе перяфксса, шувсь кевс лотка виноградонь тапамс, переть ваномс стяфтсь башня. Сон максозе тянь семботь виноград мельге якайхненди, сонць тусь.
Мзярда сась иможень кенерема пингсь, сон кучезень покодиензон виноградонь касфтыхненди иможенкса. Виноградонь касфтыхне кундазь синь, конань пикссезь, конань шавозь, конань кевса вачкиезь. Перень азорсь тага кучсь ломатть, сядонга лама, сятненьге мархта тяфта тисть.
Меколи сон кучезе тейст эсь цёранц, мярьгсь: "Визделгодыхть цёразень эзда". Виноградонь касфтыхне няезь цёранц, мярьгсть фкя-фкянди: "Тя сонь юронь поладыец. Аряда, шавсаськ сонь, и уликсоц ляды тейнек". Кундазь сонь, лихтезь виноградонь переста и шавозь.
Тяфта, мзярда сай иможбереть азороц, мезе тии виноградонь ня касфтыхнень мархта?" Тейнза мярьгсть: "Зиянонь ня тиихнень сон машфтозь машфтсыне, виноград переть макссы лия касфтыенди, конат кармайхть эсь пингстонза макссемост тейнза имошнень".
Исус корхтай тейст: "Кали тинь мзярдонга ашесть лувонда Сёрматфста: 'Кевсь, конань кудонь путыхне ёрдазь, вчёк сон тиевсь кудужень прякс. Тя Азорть эзда, и дивандафты тев, конань няеськ эсь сельмосонк'? Сяс азондса тейнть: сявови кядьстонт Менелень Оцязорксшись и максови ломаньтналти, кона кандсыне сонь иможензон.
Ся, кие прай тя кевть лангс, тапави; кинь лангс кевсь прай, сянь мядондасы".
Исусонь валвеляфксонзон кулемста озксонь прявятихне и фарисейхне шарьхкодсть: сон корхтай синь колгаст. Синь ёрасть кундамс Исусонь, аньцек пельсть ломаньда, конат сонь лувозь шкаймаряйкс».
МАТВ. 21:33-46
394 
