Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АВРААМ И ЛОТ
Авраам и сембе мархтонзотне мольсть Канаанонь модава, конань тейст няфтезе Азорсь. Меколи пачкодсть Бетелень аймакти и лоткасть тоза.
Авраам пяк козяль. Сонь ульсь зрняц, сияц, ламоль ракшадонза. Эсь юромонь ломаненцка, Лотонь, ламоль котфонь коштонза*а, ёмла и оцю ракшадонза. Пингонь ётазь синь лоткасть тяльгондемда ся вастти, сяс мес кафцьконь ламоль ракшадост. Курок фкя-фкянь лангс кармасть молема ракша ванысна. Эста Авраам мярьгсь Лотонди: «Афоль уле сялондома ётксонк; минь мархтот фкя веронь. Кали аф марнек модась сельминголет? Яфт эздон. Кда тон кержи пяли туят, эста мон видити; кда тон видити, эста мон кержи пяли».
Лот ушедсь ванондомонза перьфпяльдень модать. Сон няезе, Иордан ляйть аймакса модатне пяк цебярьхть и лац валондовихть ведьса. Тя вастть кочкамда меле сон явсь Авраамонь эзда и стяфтозень кошензон Содом ошть малас. Тя ошень эряйхне ульсть пяк кяжихть и пежетюфт Азорть инголе. А Лотонь мяленц салазь козя паксятне, тишу ванома васттне, и сон кармась эряма визьксфтома ломань ёткса. Тянкса савсь тейнза кирдемс лама сталма.
ШАЧЕМА 13:1-13
*а Котфонь кош – палатка, шатёр.
36 
