Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КОЗЯЛЯТЬ И ЛАЗАРЕНЬ КОЛГА ВАЛВЕЛЯФКС
Исусонь тя валвеляфкссонза азондови кафта ломанень колга, конатнень эряфсна пяк аф фкя лацотольхть. Фкя ломанць эрясь козяста, аньцек аф видешиса, омбоцесь – ашса, сянкса видешиса.
«Ульсь фкя козяля, щакшнесь питни щамса, кода оцязор, марнек эряфонц ётафтозе кштизь-моразь. Тяка пингть эрясь ашу ломань, лемоцоль Лазарь, сон мадозь ащекшнесь козялять ортанзон ваксса, ронгоц тазботмосоль. Алять мялецоль топафтомс пеконц хуш паморькскаса, конат пяярькшнихть козять моркш лангста; сашендсть пинет и нолсезь тазу вастонзон. Кулось анцинясь и ангелхне кандозь сонь Авраамонь видес; кулось козяляське, соньге калмазь. Тонашиса муцендамста козялясь кеподезень сельмонзон, ичкозде няезе Авраамонь и видесонза Лазарень, ювадезь мярьгсь: "Авраам Алязе! Ужяльдемак, кучк Лазарень, катк начфтсы сурбрянц ведьса и эшентьфтьсы кялезень, вдь мон толса палан". Аньцек Авраам мярьгсь: "Цёрай! Лятфтак, тон сявить ни эряфсот пароть, а Лазарь – кальдявть; тяни сонь тяса озась ваймоц, тоннесь муцендай. А нинге минь явфнесамазь пефтома лотка, сяс, нльне кие ёрай ётамс тяста тов – аф ётави, тостотневок тейнек аф ётавихть". Эста козялясь мярьгсь: "Эняльдян тейть, аляй, кучк Лазарень алязень кудс, вдь монь вете альнякане-дуганне; катк пачфтьсы тейст, афольхть пова синьге муцендамань тя вастти". Авраам мярьгсь каршезонза: "Синь ули Моисейсна и шкаймаряйсна; кулхцондозазь синь". Козялясь мярьгсь: "Аф, Авраам аляй! Молендяряй кивок кулофнень эзда, эста синь полафтсазь эряфснон". Аньцек Авраам мярьгсь тейнза: "Кда аф кулхцондсазь Моисеень и шкаймаряйхнень, эста калмоста стяф кулофське аф кемафтсыне».
ЛУКА 16:19-31
368 
