Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС МОЛИ ВЕДЬ ЛАНГА
Эстокиге тняра ломанень андомда меле, Исус мярьгсь тонафниензонды озамс венчс, и сондедонза инголи ётамс оцюведень омба трвати. Сонць мзярс илядсь ломаттнень нолдама. Ломаттнень срадомда меле, Исус куцсь панда пряв озондома. Мзярда сась илядсь, сон тосоль ськамонза. Ся пингть венчсь пачкодсь ни оцюведть кучкас и сонь ёрязь ведьгеворьксне, уфась вии варма.
Варьхмодема пяли Исус тусь ведть ланга тонафниензонды. Сят няезь ведь ланга молить, таколдозевсть, корхтасть: «Тя кулыень цильф!*а» – и эводемать эзда пешкодсть. Исус эстокиге корхтазевсь мархтост, мярьгсь: «Сада эсезонт; тя мон, тяда пеле».
Пята мярьгсь каршезонза: «Азорозе! Кда тя тон, мярьк мондейне молемс тейть ведьге». Исус тейнза: «Сак». Пята валгсь венчста и тусь ведьге Исусонди. Аньцек марязе вармать виенц, эводсь и сияк ушедсь ваяма. «Азорозе! Идемак!» – ювадсь сон. Исус эстокиге венептезе кяденц, кирдезе Пятань и корхтай тейнза: «Пялес кемай! Мес абондоть?» Венчти озамдост меле вармась сетьмось.
Венчстотне сюконясть Исусонди и мярьгсть: «Афкукс тон Шкаень Цёрат».
МАТВ. 14:22-33
*а Кулыень цильф – призрак
354 
