Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
5. ТЯСТЬ СУДЕНДА ЛИЯТНЕНЬ.
УЛЕМС ОЗОНДОМАСА КЕМЕ.
ЗРНЯНЬ ВЯТЕМВАЛ. КЕЛИ И ТЯЙНЯ КИСЬ.
«Тяда суденда, тинценьге аф судендатядязь. Сяс мес кодама судса судендатада, тяфтамса ульхтяда судендафт, и кодама ункстамаса тинць ункстатада, тяфтамса тейнтьке ункстайхть. Мезе тон ванат седибяльксцень сельмоста сардть лангс, эсь сельмостот шочкть аф марясак? Кода мярьгат эсь седибяльксцти: "Макск, мон таргаса сельмостот сардть", кда эсь сельмосот шочка? Шамафксса! Васенда таргак эсь сельмостот шочкть и эста няйсак, кода таргамс сардсь седибяльксцень сельмоста. Тясть макссе иняруть пинетненди, тязаст врьгяте лангозонт и тязадязь сязенде. Тясть ёря ведьожнатнень*а тувотнень инголи, афолезазь тапсе синь пильгалост.
Анада, и максови тейнть; вешеда, и мутада; чакада, и панжеви тейнть; вдь эрь анайти – максови, вешендись – муй, чакайтиньге – панчсазь. Кали ули ётксонт стама ломань, кона максоль цёранцты кев, мзярда ся анай кши? Мзярда анай кал, максоль куй? Кда тинь, кяжи ломатть, машттада макссема цебярь казнет идентенди, сядонга пяк Менелень Алянте максы пара казнет кядьстонза анайти.
Тяфта: семботь, мезе ёратада ломаттне тиендельхть тейнть, тинцьке тиендесть синдейст. Тянь эса Койсь и шкаймаряйхне.
Сувседа тяйня ортава:
сяс мес ся ортась кели и кели ся кись,
кона вяти юмамати,
и ламотне молихть эзганза;
ся ортась тяйня и тяйня ся кись,
кона вяти эряфти,
аф ламотне мушендсазь сонь».
МАТВ. 7:1-14
полатксоц моли
ЗРНЯНЬ ВЯТЕМВАЛ
«Семботь, мезе ёратада
ломаттне
тиендельхть тейнть,
тинцьке тиендесть
синдейст».
Матвеень коряс Евангелия 7:12
*а Ведьожна – жемчуг.
338 - 339 
