Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС И САМАРИЯНЬ АВА
Весть Исус тусь Иудеяста, Израилень лямбе ширде, Галилеяв. Иудеять и Галилеять ёткса ащесь Самариясь. Самариянь эряйхневок еврейхнень лаца кемасть фкя-тяка Шкайти, менельть и масторть Тииенцты, аньцек синь ульсть эсь койснаиласна, эсь озксвятисна, и кати-мзярда нльне эсь шкайкудсновок, конань сяльде срафтозь еврейхне. Еврейхне ашесть ладя синь мархтост.
Исус тонафниензон мархта пачкодсь Самариянь Сихарь ошу. Ки лангса сизесь и озась ваймама эши ваксс, а тонафниенза тусть ярхцамбялень рамама. Шиньгучкаль.
Самариянь фкя авась сась эшити ведьс. Исус мярьгсь тейнза: «Макста симомс». Авась дивандазевсь, пшкядсь каршезонза: «Тон иудеят и анат монь, самариянь авать, кядьста симомс?..." Исус мярьгсь: "Содандярялить Шкаень казнеть и кие корхтай тейть: 'Макста симомс', – эста тон тонць аналеть кядьстонза, и сон максоль тейть эрек ведь". Авась корхтай тейнза: "Пара ломань! Тейть амолдамска аш мезьса, эшись крхка; коста сявоват эрек ведь?..." Исус мярьгсь каршезонза: "Эрьсь, кие сими тя ведьта, сянь тага шяи потмоц; кие кармай симома ся ведьта, конань мон максса тейнза, сянь потмоц мзярдонга аф шяи. А ведсь, конань максса тейнза, тиеви эсонза пефтома пингонь эряфти шуди лихтибрякс". Авась корхтай тейнза: "Содаса, сай Мессиясь (лиякс мярьгомс, Кристоссь), мзярда сон сай, азондсы тейнек семботь". Исус корхтай тейнза: "Тя мон, мархтот корхтайсь...»
Эста авась кадозе ведь кядьгонц, тусь ошу, и азондсь сембонди ломанть колга, конань васьфтезе: «Афоли вчёк сон Кристоссь?..." Ламоц самариянь эряйхне ся ошста кармасть кемама Исусонди авать валонзон мяльс сявозь. Сяс ломаттне эняльдсть Исусонди лоткамс ширезост. Сон лядсь тоза кафта шис. Сядонга ламотне кармасть кемама Исусонди сонцень валонзон кулемста».
*
Самариянь фкя ашу авать азондоманц вельде лама ломань кемазевсь Азорти. Тя азксса няфневи: Азорть инголе фкат ломанень сембе юропне, вдь сембонь минь тиемазь Шкайсь.
ИОАНН 4:1-42
324 
