Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАРОКОЕНЬ СИМЕОН АТЯСЬ
Шкаень идть шачемда меле кафкса шинь ётазь, озксвятись тись тейнза киськопень керома, и максфоль сондейнза лем – Исус. Тя лемсь, конань ангелсь максозе нинге шачемдонза инголе, ётафневи кода "Шкайсь идесамазь".
Шкаень Койть коряс эрь васенценясь, лиякс мярьгомс, мирттьрьватнень васенце цёрасна, лемневсь Шкайти. Сяс, мзярда Исусонди топодсь кота недялят, тядянза-алянза сонь кандозь Ерусалимонь пяк цебярь шкайкуду Азорти лемдемонза. Тияк эрявсь максомс озказне – вирень кафта гуленят али гуленянь кафта лефкскат, кода азф Азорть Койса.
Ся пингть Ерусалимса эрясь парокоень атя, лемоцоль Симеон. Сон учсезе Мессиять*а ломаттнень идемост, Иняру Ваймопожфське сонь лангсонзоль. Тейнза Иняру Ваймопожфть вельде анокс пачфтьфоль: сон аф кулы, мзярс аф няйсы Мессиять, лиякс мярьгомс, Идить. Ваймопожфть тердеманц коре сон мольсь шкайкуду вчёк ся пингть, мзярда Мария и Иосиф кандозь тов Исус идняснон. Атясь сявозе кядезонза Кристосонь, шназе Шкайть, мярьгсь: «Тяни Масторкирди, эсь валцень коряс, нолдасак урецень седиень ваймамас, сяс мес сельмоне няезь сянь, кинь тон путыть Идикс сембе ломаньтналхненди, – валдть, кона валдоптсыне Шкаень аф содайхнень, Израилень ломаньтналцень иневалдонц».
Сяльде Симеон бславазень синь, мярьгсь Мариянди: «Тонценьге седицень пачк ризфсь ётай пеелькс, – ина панжевост ламоц ломаттнень седиботмонь мяльсна-арьсефсна».
ЛУКА 2:21-35
*а МЕССИЯ – еврейкс, ХРИСТОС – грекокс – эсост кирдихть фкя мяль – Шкаень Кочкаф.
298 
