Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВАЯМАТЬ ПЕЦ
Сяда ведьгемонь шида меле шадось аделавсь, ведське валомвалом кармась прама. Ноень оцювенчец лоткась Арарат пандть пряс. Нильгемонь шида меле Ной панжезе оцювенчень вальмять и нолдась кранч, мялецоль содамс: коськсь али аш ведсь. Кранчсь тусь лиезь, и лиендсь снярс, мзярс ашезь коське модась.
Сяльде Ной нолдась гуленя. Гуленясь ашезь му пильгонь шятяма васта и мрдась меки оцювенчти, сяс мес ведсь вельхнезе нинге марнек модать. Сисем шида меле Ной тага нолдась гуленя оцювенчста. Илять гуленясь мрдась тейнза, нярьсонза кирдсь вайшуфтонь пиже лопаня. Тяфта Ной содазе: ведсь прась.
Нинге сисем шинь ётазь, Ной нолдась тага фкя гуленя, ся ашезь мрда ни тейнза. Эста Ной панжезе оцювенчть вельхксонц и няезе: модать лангоц коськсь. Шкайсь мярьгсь Ноенди: «Листь оцювенчста тонць, рьвяце, цёратне, рьвасновок; лихтить сембе ракшатнень, конат мархтот..., катк синь срадыхть модать келес, катк раштайхть и ламолгодыхть...»
ШАЧЕМА 8
28 
