Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕРУСАЛИМТЬ И ШКАЙКУДТЬ СРАФТОМАСНА
Седекия оцязорть пингста Вавилононь ушмовийхне омбоцеда сявозь Ерусалимть. Синь срафтозь-калафтозь Соломононь сельмонь кеняртьфти шкайкудонц. Вов мезе сёрмадови тянь колгаБиблияса:
Навуходоносор, вавилононь оцязорсь, вятезе ушмовиенц Ерусалимти. Сон кеподсь перьфканза модамар и кирдезе ошть перяфста киза пяле. «Ошу сась вачашись, ломаттнень мезьсновок ашель ни... Веть израилень сембе ушматтне ворьгодсть... Седекия оцязорсь ворьгодсь арсямодати вяти киге, и Вавилононь ушмовийсь вихонзась мельганза. Оцязорть кундазь Ерихононь арсямодаса, а ушманонза ворьгодсть. Седекиянь сембе цёранзон шавозь сельминголенза; сонцень Седекиянь сокоргофтозь, пинкстазь цинзерса и вятезь Вавилону».
Тяда меле Ерусалиму сась Навузардан, вавилононь ширязсь. Сон плхтазе Азорть кудонц, оцязорть кудонц, Ерусалимонь сембе куттнень. Сонь ушмовиец калафнезе Ерусалимть перьф перяфкстьке. Сяльде Навузардан панезень Вавилону ня ломаттненьге, конат нинге лядондсть Ерусалимса. Аньцек аф лама ашу ломань сон кадсь виноград перень мельге якама и паксянь сокама-видема.
Ушматтне синнезь пакшень-пакшкя Азорть кудста серень палматтнень, нежетнень, эшеляма оцю кядьготь, и сереть сявозь Вавилону. Сявозь шкайкудста серень сембе кядьгонятненьге, и семботь, мезсь ульсь зрнянь и сиянь.
Тя лиссь 587/586 кизоня Кристость шачемада инголе. Соломононь шкайкудоц ащесь ниле сядода лама киза. Сяда меле еврейхне нинге мзярошкаксть одукс стяфнезь Ерусалимса шкайкудть, аньцек сяльде вестенге ашезь тиендев тяшкава мазы шкайкуд, кодама путнесь Соломон оцязорсь.
ОЦЯЗОРХТ 4-ЦЕСЬ 25:1-15
228 
