Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САМАРИЯНЬ ЭРЯЙХТЬ
Израилень ломаттне сявфтольхть полонц и паньфтольхть ичкоздень Ассирияв, синь масторсна лядсь пцтай шава. Кельме ширдень масторти пряошекс ульсь Самариясь. Ся аймакське лемневсь Самариякс.
«Ассириянь оцязорсь ётафтсь ломатть Вавилонцта и Сирияста и озафтозень синь эряма самариянь ошева израилень ломаттнень вастс. Васенда синь ашезь лува Азорть, сяс сон кучсесь лангозост лефт, конат кулофнезь синь. Ассириянь оцязорти пачфтезь: "Ломаньтналхне, конатнень озафтыть эряма самариянь ошева, аф содасазь ся масторонь Шкайть коензон, сянкса кучсевихть лангозост лефт, конат кулофнесазь синь..." Ся кошардозень: "Кучеда тов паньф озксвятихнень эзда фкя, катк мрдай тоза эряма и тонафтсыне ломаттнень ся модань Шкаень койхненди». Сась озксвятихнень ёткста фкясь, кармась эряма Бетельса и тонафтомост ломаттнень Азорть лувома.
Тяка ёткть эрь ломаньтналсь стяфнезень эсь шкаензонга губор прява, конатнень тиендезь самариянь ингольдень эряйхне. Азорть синь лувозь, эсь шкайснондывок сюконякшнесть атяньатяснон лаца.
Виде, сяльде синь лоткасть лия шкайхненди сюконякшнемда, лувозь аньцек фкя-тяка Азорть. Но израилень ломанькс синь стаки ашесть арав. Синь ульсть эсь озксвятисна, ванфтозь эсь койснон. Нльне стяфтсть Гаризим панда пряв шкайкуд.
ОЦЯЗОРХТ 4-ЦЕСЬ 17:24-23
214 
