Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЛИЙ ОЗКСВЯТИТЬ КУЛОМАЦ
Израилень ломаньтналсь тага прась койфтомашис. Шкайсь тянкса максозень синь филистияннетнень кядялу. Ульсь оцю тюрема. Филистияннетне сяськозь израиленнетнень, шавсть нилешка тёжянь ломань. Израилень тналсь мрдась лоткама вастозонза. Пряатятне*а мярьгсть: "Мезенкса тячи Азорсь пульзяфтомазь филистияннетнень инголе? Сявсаськ Азорть сотксонь арзянц, улендяряй сон мархтонк, идесамазь душматтнень эзда". Кучсть ломатть Силому, тоста кандозь Саваоф Азорть сотксонь арзянц. Шкаень арзять видеса ульсть Илиень цёранзовок, Офни и Финес...
Филистияннетне врьгятсть и сяськозь израилень ломаттнень. Юмафкссь оцюдонга оцюволь, шавфоль колмогемонь тёжянь израилень ломань. Шкаень арзясь нелькфоль, Илиень кафцьке цёранзовок шавфтольхть.
Силому ласьксь кулянь пачфни и азондозе седиень ацергофты кулять. Ошэряйхне пяшкодезь перьфпяльть авардемаса. Илий тя ёткть озадоль ошень ортатнень видеса. Сон кулезе ошста сай авардемань вайгяльть и кизефтсь, мезе лиссь. Кулянь пачфнись ласьксь тейнза и азозе: "Филистияннетне тапазь Израилень ушматтнень. Нелькф Шкаень арзясь, и тонь кафцьке цёратне шавовсть".
Кодак кулянь пачфнись азозень Шкаень арзять колга валхнень, Илия прась кунф и кулось. Нильгемонь киза Илий ульсь судьякс Израильса и кулось сон вейхксогемонь кафксува кизоса.
Илиень кудъюрхтонц мархта видекс лиссь ся, мезень колга Азорсь корхтась Самуилонди.
ОЦЯЗОРХТ 1-ЦЕСЬ 4:1-18
*а Пряатя – старейшина.
154 
