Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
РУФЬ ВОАЗОНЬ ПАКСЯСА
Куватьс мольсть Ноеминь и Руфь, меколи пачкодсть Бетлеему. Бетлеему самстост марнек ошсь шерьхкозевсь, корхнесть: "Тя Ноеминь?" Сон мярьгсь тейст: "Тямасть лемне Ноеминькс – павазукс, лемнемасть Маракс – аф павазукс. Сембонь Кирдись кучсь лангозон пяк оцю ризф. Мон тунь тяста уликс мархта, мрдафтомань Азорсь шавонь кятть".
Мольсь нумань пинге. Руфь тусь паксяв нуйхнень мельге сёропрянь кочксема. И повсь сон Ноеминень юромста ломанть, Воазонь, паксяс.
Умань азорсь кулезе – кочксись Ноеминень рьвяняц. Эста сон серьгядезе Руфонь и мярьгсь сашендомда паксяв эрь шиня. Эсь покодиензон кошардозень кадондомс сяда лама сёропряда, и мезьсовок аф колсемс авать седиенц.
Руфь кизефтезе Воазонь: "Мезенкса ужяльдьсамак? Корхнят мархтон эсь ломанькс, хуш ширде сафан".
Воаз каршезонза: "Мон ламоксть кулендине, кода тон кадыть мала ломаттнень и сать лия масторс авозцень мархта. Максоза тейть Азорсь тевцень инкса, улеза тондейть оцю казне Азорть эзда, конань пацялу сать седиень озафтома!"
Курокста Воаз сявозе Руфонь рьвакс, и ся шачфтсь тейнза цёра. «Аватне корхнесть Ноеминенди: "Бславаф Азорсь, мес ашензе када унокфтома! Кайгоза унокцень лемоц Израильса! Сон арай тейть кенярдемакс и сирешистот нежедема вастокс; сонь шачфтозе рьвяняце, кона кельктянза, кона тейть сисем цёрада цебярь". Ноеминь сявозе тя иднять, каннезе кядьнучксонза, арась тейнза ванникс. Шабраватне корхтасть: "Ноеминень шачсь цёрац", лемга путсть: Овид. Сон Иссеень, Давидонь алянц, аляц». Давид ульсь Израильса содаф оцязоркс. Колганза минь нинге луфтама.
РУФЬ 1:19-21; 2:1-16; 4:13-17
146 
