Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САМСОН ВИИ ЛОМАНЦЬ
Шкаень ацерматнень, ужяльдемать и лездомать лангс апак ватт, израилень ломаттне стаки аеркшнесть Шкайть эзда, тиендсть тейнза аф кельгови тефт. Тянь сюнеда синь одукс повсть лиянь кядьс, и нильгемонь киза ульсть филистияннетнень ала. Полонца улемстост Азорсь путсь тейст судья, лемоцоль Самсон. Тя ломанць ульсь аф азомшка вии, тя вийсь кирдевсь сонь шяярьсонза. Нинге Самсононь шачемдонза инголе Шкайсь мярьгсь тядянзонды-алянзонды аф нарсемс шяярензон, сяс мес сон лемдеви Шкаень назорейкс*а и ушеды идемонза Израильть филистиянь тналть эзда.
Самсон сяшкава вииель, нльне весть кибрязонза повф лефть сязендезе сява вероскя лаца. Оду сон осёлонь улопакарьса фкя шиста шавсь филистиянь тёжянь ломань. Сон тёждяста сязенкшнезень инь кеме пикснень и цинзерхнень.
Весть Самсон сась Газа ошу и лядсь тозк удома. Филистиянь ломаттне тоса срхкасть шавомонза. Синь пякстазь ошень ортатнень и кармасть учемонза. Пялеветь Самсон сргозсь, арьсесь тумс ошста. Ортатненди нажядемста няезе, синь пякстафт. Эста сон нотфтазень ошень ортатнень палманнек-тулонек, лаподезень лафтувонзон лангс и кандозень панда пряс.
СУДЬЯНЬ КНИГА 13-16
*а Назорей, евреень кяльса назир, "явф" али "надияфтф" (Шкайти).
140 
