Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
МОИСЕЕНЬ КУЛОМАЦ
Mоисей куцсь Моавитонь арсямодаста*а Нево пандонь тёкшть лангс. Азорсь няфтезе тейнза марнек модать: Галаадонь, Данонь, Навталинь, Ефремонь и Манассеень модатнень, Иудань марнек моданцка, Негевонь шавмодать и Иорданонь арсямодать. Азорсь мярьгсь тейнза: "Вов модась, конань колга корхнень Авраамонди, Исааконди, Яковонди, и конань надияфнень максомс синь уноконь унокснонды. Мон максонь тейть эсь сельмосот няемс ся модать, аньцек тоза аф суват".
Моисей, Шкаень ломанць, кулось тоса, Моавитонь модаса, Азорть валонц коряс. Сон калмаф Моавитонь модать лаймоса Веффегорть ваксса, тячемс кивок аф содасы калмонцка. Моисей кулось сяда комсь кизоса; сяка сонь сельмовиец ашезь лафчемкшне, эрьгацка ашезь машне. Израилень ломаттне Моисеень явсекшнезь колмогемонь ши Моавитонь лаймоса.
Ашель тяда меле Израильть Моисеень кодяма шкаймаряец, конань мархта Азорсь корхнекшнель сельмода сельмос. Ашель лия, кие тиендель тяфтама тяшкст и ацермат, конатнень тиендезень Моисей фараонти и сембе урензонды и марнек Египетонь модати.
Исус, Навинонь цёрац, пяшкодсь смузьшинь ваймопожфса, сяс мес Моисей путозень лангозонза кядензон. Израилень ломаттне сонь кулхцондозь, тиенькшнесть стане, кода мярьгсь Азорсь Моисеенди.
ОМБОЦЕ КОЙСЬ 34:1-12
*а Арсямода – рузкс равнина.
126 
