Выбрать язык
Выбрать рассказ Ветхого Завета
Выбрать рассказ Нового Завета
Иисус умбакыже ойлен: «Ик еҥын кок эргыже лийын. Изиракше ачажлан каласен: ”Ачай! Мылам логалшаш пого пайым ойырен пу”. Ача нунылан погым пайлен пуэн. Икмыняр кече эртымеке, изирак эргыже чыла поген да тора элыш каен. Тушто шала илен да шке пайжым шоналтыде кучылтын. Чыла кучылт пытарымекше, тиде элыште кугу шужымаш тӱҥалын, да эргылан нужнам чыташ логалын. Тудо тиде элысе ик еҥ деке пашаш пураш йодын миен, а садыже шке пасушкыжо сӧснам кӱташ колтен. Тудо сӧсналан пукшымо отыза дене мӱшкыржым темаш шонен, но тидыжымат нигӧ пуэн огыл.
Тунам тудо шонаш тӱҥалын да шкаланже каласен: ”Ачамын кунар шуко тарлалтше еҥже уло, чылалан кинде утымеш сита, а мый шужен колем! Каем, ачам деке пӧртылам да каласем: ’Ачай! Мый Пылпомыш ваштареш да тыйын ончылнет языкым ыштенам. Ынде эргыч маналташат ом йӧрӧ, мыйым тарлалтше-влакет коклаш нал’”. Тудо кынелын да ачаж деке каен.
Эше тораште улмыж годымак ачаже тудым ужын да чаманен, ваштарешыже куржын миен, шӱйжӧ гыч ӧндалын да шупшалын. Эргыже тудлан каласен: ”Ачай! Мый Пылпомыш ваштареш да тыйын ончылнет языкым ыштенам. Ынде эргыч маналташат ом йӧрӧ”. Но ача тарзыж-влаклан каласен: ”Эн сай вургемым кондыза да тудлан чиктыза. Кидышкыже шергашыма да йолышкыжо йолчиемым пуыза. Ӧрдыктарыме презым вӱден кондыза да шӱшкылза, кочкаш да куан пайремым эртараш тӱҥалына! Мыйын тиде эргым колен ыле – ынде ылыжын, йомын ыле – ынде мумо”. Нуно куан пайремым эртараш тӱҥалыныт».
*а Шергашым пуымыжо кугу пагалымашым ончыкта.
90 