Выбрать язык
Выбрать рассказ Ветхого Завета
Выбрать рассказ Нового Завета
Моисей Юмын мутшым колыштшо айдеме лийын. Садлан Юмат калыклан Моисей гоч ойлен.
Икана Моисей Синай курык ӱмбаке кӱзен. Тушто Юмо Моисейлан кок кӱ оҥам пуэн. Нине оҥаштыже калыклан пуымо Юмын лу кӱштымашыже возымо лийын:
«Мый – Господь, тыйын Юмет улам. Мый дечем моло вес юмылан ит кумал. Мо каваште, мландӱмбалне, вӱдыштӧ уло, шкаланет тудын гай юмын сыным ит ыште, тыгайлан вуетым ит саве да тудлан ит кумал.
Господь Юметын лӱмжым йӧрдымын ит кучылт. Кӧ Тудын лӱмжым йӧрдымын кучылтеш, тудым Юмо мут кучаш шогалтыде ок кодо.
Шуматкечым моло кече дечын ойыро: тудым святой кече семын палемде. Куд кече жапыште тӱрлӧ пашам ыште, а шымше, шуматкече, Юметлан лийже.
Ачат ден аватым пагале.
Ит пушт.
Ит яжарлане.
Ит шолышт.
Шойыштын, лишыл еҥет ӱмбаке таныклен ит ойло.
Лишыл еҥетын пӧртшылан ит сутлане. Лишылетын ватыжланат, кулжыланат, кул ӱдырамашыжланат, ӱшкыжшыланат, оселжыланат, тудын можо уло – нимоланжат ит сутлане».
Юмо кӱштымашыж-влакым акрет годсо Израиль калыклан веле огыл пуэн. Нунын нерген Иисус Христосат ойлен да Тудлан ӱшаныше, черкыш коштшо чыла еҥ нине кӱштымым шуктен шогыжо манын вуча.
Лекмаш (Исход) гл. 20
46 